కోడీహళ్లి మురళీ మోహన్ తెలుగు రచయిత(1966 ఫిబ్రవరి 4 (వయసు: 59)) మడకశిర, అనంతపురం జిల్లా ప్రస్తుత శ్రీ సత్య సాయి జిల్లా. ఎలెక్ట్రికల్ ఇంజనీరింగులో డిప్లొమా చదువుకున్నారు. దక్షిణమధ్యరైల్వేలో సీనియర్ సెక్షన్ ఇంజనీర్ పని చేస్తున్నారు. ఆయన భాగస్వామి శాంతకుమారి. పిల్లలు కె.శ్రీహరిప్రమోద్, కె.శ్రీసాయిప్రణీత. తల్లిదండ్రులు శ్రీమతి కె.పద్మావతి, శ్రీ కె.గోపాలకృష్ణ. ఇతను”స్వరలాసిక” కలం పేరుతో ఆంధ్రభూమి దిన పత్రిక, నేటి నిజం దినపత్రిక, ఈవారం, జాగృతి లాంటి పత్రికలలో వివిధ గ్రంథాలపై చేసిన సమీక్షల్ని “గ్రంథావలోకనమ్” పేరుతో వెలువరించారు.
ఇతను దక్షిణ మధ్య రైల్వే విభాగంలో పనిచేస్తున్నాడు. ప్రస్తుతం హైదరాబాదులో నివసిస్తున్నాడు. కోడీహళ్లి సమీక్షలలో సమకాలీన సాహిత్యం ఎదుర్కొంటున్న సమస్యలు కనిపిస్తాయి.ఆధునికమైన తెలుగు సాహిత్యంలో వివిధ ప్రక్రియల స్వరూప స్వభావాలను చూస్తాడు. అబ్జ క్రియేషన్స్ సాహిత్య సాంస్కృతిక సంస్థ కార్యవర్గంలో కార్యదర్శిగా ఉన్నాడు.
రచనలు
గడ్డిపూవు (వచనకవితా సంకలనం) – సంపాదకత్వం
కథాజగత్ (కథాసంకలనం) -సంపాదకత్వం
గ్రంథావలోకనమ్ (సమీక్షావ్యాసాల సంపుటి)
సాహితీ విరూపాక్షుడు విద్వాన్ విశ్వం-సహసంపాదకత్వం
జ్ఞానసింధు సర్దేశాయి తిరుమలరావు
ఆంధ్రసాహిత్యములో బిరుదనామములు
రైలు కథలు – సహసంపాదకత్వం
దేశభక్తి కథలు – సహసంపాదకత్వం
తెలుగు కథల్లో గాంధీ మహాత్ముడు – సహసంపాదకత్వం
కులం కథ – సహసంపాదకత్వం
క్రీడా కథ – సహసంపాదకత్వం
పదచదరాలు – సంపాదకత్వం
స్వాతంత్ర్య భారతికి అమృతోత్సవ హారతి – సంపాదకత్వం
రామకథాసుధ – సహసంపాదకత్వం
ఇంకా కొన్ని కథలు, పుస్తకసమీక్షలు, సాహిత్యవ్యాసాలు వివిధ పత్రికలలో ప్రచురణకు నోచుకున్నాయి.
అబ్జక్రియేషన్స్ సాహిత్యసాంస్కృతిక సంస్థ (రి), హైదరాబాద్కు వ్యవస్థాపక కార్యదర్శి.
పొద్దు అంతర్జాల పత్రిక సంపాదకమండలిలో సభ్యునిగా కొన్నాళ్లు.
కథాజగత్ వెబ్సైటు, తురుపుముక్క, శ్రీసాధనపత్రిక బ్లాగుల నిర్వహణ
అరసం మహాసభలు, రెండవ ప్రపంచ తెలుగు రచయితల మహాసభలు, నాలుగవ ప్రపంచ తెలుగు మహాసభలు, జాగృతి పాత్రికేయ శిక్షణాశిబిరం, జాగృతి కథారచయితల సమ్మేళనం మొదలైన సభలలో పాల్గొన్న అనుభవం.
ఇతను తెలుగు వికీపీడియాలో ఏప్రిల్ 10 2013 న చేరి సాహితీ ప్రముఖుల జీవిత చరిత్రలు, పుస్తక సమీక్షలకు సంబంధించిన వ్యాసాలను చేర్చాడు.
మాధవి కాళ్ల
సేకరణ