కోపం ఒక క్షణం
సీత మరియు రమేష్ దంపతులు. పెళ్లైన మొదటి సంవత్సరాలు చాలా సంతోషంగా గడిచాయి. కానీ , కాలక్రమేణా చిన్న చిన్న విషయాలపై విభేదాలు మొదలయ్యాయి. రమేష్ ఉద్యోగ ఒత్తిడితో… ఇంటికి ఆలస్యంగా వచ్చేవాడు. సీత మాత్రం రోజంతా ఇంటి పనులు చూసుకుని, అతని కోసం ఎదురుచూస్తూ ఉండేది.
ఒకరోజు రాత్రి రమేష్ మళ్లీ ఆలస్యంగా ఇంటికి వచ్చాడు. అతని ముఖంలో అలసటతో… పాటు కొంచెం నిర్లక్ష్య భావం కూడా కనిపించింది.
సీత మనసులో మాత్రం రోజంతా పేరుకుపోయిన బాధ ఒక్కసారిగా ఉప్పొంగింది.
“ఎప్పుడూ ఇలాగే ఆలస్యమా?” అని సీత అడిగింది.
రమేష్ విసుగ్గా,
“ఆఫీస్ పని ఉంది , అర్థం చేసుకోలేవా?” అన్నాడు.
ఆ ఒక్క మాట సీత హృదయాన్ని గుచ్చింది. ఆమెకి అతను తన భావాలను పట్టించడంలేదనిపించింది. ఆ బాధ కోపంగా మారింది. పక్కనే ఉన్న రోలింగ్ పిన్ (బెల్లనం) తీసుకుని అతని మీద ఎత్తింది.
రమేష్ ఒక్కసారిగా భయపడి, చేతిని అడ్డంగా పెట్టుకున్నాడు. అతని కళ్లలో భయం కనిపించింది. కానీ , ఆ భయం వెనుక పశ్చాత్తాపం కూడా ఉంది.
ఆ క్షణంలో సీతకు ఒక్కసారిగా తన చర్య ఎంత తప్పో అర్థమైంది?
ఆమె చేతిలో ఉన్న బెల్లనం కిందపడిపోయింది. కళ్లలో నీళ్లు చేరాయి.
“నేను ఇలా చేయకూడదు…!” అని ఆమె కూర్చుంది.
రమేష్ నిశ్శబ్దంగా ఆమె దగ్గరికి వచ్చాడు.
“క్షమించు సీత! నేను కూడా నీ మనసు అర్థం చేసుకోలేదు” అన్నాడు.
ఆ రాత్రి ఇద్దరూ చాలా సేపు మాట్లాడుకున్నారు. తమ తమ బాధలను, ఆశలను పంచుకున్నారు. కోపం కన్నా ప్రేమ గొప్పదని, మాటలతో సమస్యలు పరిష్కరించుకోవచ్చని వారు గ్రహించారు.
ఆ రోజు తర్వాత వారి జీవితం మారింది. రమేష్ తన సమయాన్ని కాస్త సర్దుబాటు చేసుకున్నాడు. సీత కూడా అతని పరిస్థితిని అర్థం చేసుకోవడానికి ప్రయత్నించింది.
కోపం ఒక క్షణం. కానీ , దాని ఫలితం జీవితాంతం బాధను మిగల్చవచ్చు.
మాటలతో పరిష్కారం సాధ్యమైతే… చేతులతో కాదు.
ప్రేమ ఉన్న చోట సహనం ఉండాలి. అర్థం చేసుకోవడం ఉంటే సమస్యలు చిన్నవైపోతాయి.
మాధవి కాళ్ల