అక్షర కొరకు
అంశం: గాంధీ జయంతి
శీర్షిక: మహాత్ముడు సమసమాజం!
మహాత్ముడు నడయాడిన
ఈ నేల నేలంతా సమసమాజ స్థాపనకే
మురికి వాడలను తను స్వయంగా శుభ్రం చేసినా
అంటరానితనం దూరం చేసేందుకు పాటుపడినా
దళితులను హరిజనులని నామకరణం చేసినా
హిందూ ముస్లిం ఐక్యతకు పోరాటం చేసినా
కుల మతాల కుమ్ములాటలను వ్యతిరేకించినా
హృదయమే దేవాలయం మసీదు అని చాటిచెప్పినా
సమసమాజోద్దరణకే నని మరవద్దు!
భారతీయులను హీనాతి హీనంగా చూసిన తెల్లవాడిని
మనుషులను మనుషులుగా చూడలేని దాష్టికున్ని
దేశం నుండి వెళి వేసిన ధీరుడు మహాత్ముడు!
అందరూ ఆ భగవంతుని సృష్టిలో సమానులే
విద్య ధనికులు పేదలు అని తేడా లేకుండా ఉచితంగా అందాలని
విద్యయే అజ్ఞాన అంధకారాలను పారద్రోలే ఆయుధమని
హృదయం తెరుచుకుని శాస్త్రీయ దృక్పథం అలవడుతుందని
మానవత్వమంటే సమతా సామ్రాజ్యమని
ఆకలిగొన్న నిరుపేదల వరకు స్వాతంత్ర్యం ఫలాలందాలని
మతోన్మాదాలకు దూరంగా దేశం పరిఢవిల్లాలని
సమసమాజ స్థాపన కొరకు పాటుపడ్డ సమతామూర్తి
మహాత్మా గాంధి!!
అపరాజిత్
సూర్యాపేట
హామీ పత్రం: ఇది నా స్వీయ రచన అని నా హామీ.