వన రక్షకులు
దట్టమైన అరణ్యం. చుట్టూ ఆకాశాన్నంటే చెట్లు, వాటి మధ్య నుండి సూర్యరశ్మి నేలను తాకడానికి పోరాడుతోంది. ఆ పచ్చని ప్రపంచం ఒడిలో నిలబడి ఉన్నారు కొందరు యువతీ యువకులు. వారు సాధారణ వ్యక్తులు కారు. అడవికి, అడవి ప్రజల హక్కులకు రక్షణగా నిలిచిన వన రక్షకులు. అందరిలోనూ చిన్నా (ముందు కూర్చున్న యువకుడు) చాలా ధైర్యవంతుడు. అతను ఒక చేత్తో తుపాకీ పట్టుకుని, మరో చేత్తో తన కళ్ళజోడు సరిచేసుకుంటూ సీరియస్గా ఆలోచిస్తున్నాడు. అతని వెనుక నిలబడిన యువతులు (నల్లటి దుస్తుల్లో) అడవి బిడ్డలైన సీత, గంగ. వారి కళ్ళలో గిరిజన తెగల కోసం పోరాడాలనే కసి కనిపిస్తోంది.
పక్కనే రాము తుపాకీకి సపోర్టుగా పట్టుకుని, తన ఆలోచనలో మునిగిపోయాడు. ఇంకా కొందరు బృందం సభ్యులు వారి చుట్టూ నిలబడి ఉన్నారు.
“రేపు ఉదయాన్నే ఫారెస్ట్ డిపార్ట్మెంట్ వాళ్ళు మన ప్రజలను ఇక్కడి నుండి పంపించేందుకు వస్తున్నారని సమాచారం ఉంది” అని సీత చిన్నగా చెప్పింది. ఆమె మాటలు విన్న అందరూ నిశ్శబ్దంగా ఉన్నారు. వారికి అడవే వారి ఇల్లు, వారి దైవం. దాన్ని వదిలి వెళ్ళడం ఊహించలేరు.
చిన్నా ఆలోచించి బయటకు వచ్చి,
“మన హక్కుల కోసం మనం పోరాడాలి. అడవి మనది. దాన్ని రక్షించుకోవడం మన బాధ్యత” అని దృఢంగా చెప్పాడు. అతని మాటలు అందరిలోనూ కొత్త ఉత్సాహాన్ని నింపాయి.
వన రక్షకుల బృందం వారి ప్రణాళిక సిద్ధం చేసుకుంది. వారు అడవిలోని ప్రతీ మూల తెలుసు, ఎక్కడ దాక్కోవాలో? ఎక్కడ దాడి చేయాలో వారికి తెలుసు? వారి పోరాటం భూమి కోసం కాదు, వారి సంస్కృతి, వారి జీవన విధానం కోసం.
మరుసటి రోజు ఉదయం ఫారెస్ట్ డిపార్ట్మెంట్ వాళ్ళు అడవిలోకి ప్రవేశించారు. కానీ , వన రక్షకులు వారి ప్రణాళిక ప్రకారం సిద్ధంగా ఉన్నారు.
వారు అధికారులు రాకముందే అడవిలోని కొన్ని ప్రదేశాలలో అడ్డంకులు సృష్టించారు. అధికారులు ముందుకు సాగడం కష్టంగా మారింది.
వన రక్షకులు అడవిలో దాక్కుని అధికారులకు కనిపించకుండా, వారి ప్రణాళికను అమలు చేశారు. అధికారులు ఎటు వెళ్ళాలో తెలియక గందరగోళంలో పడ్డారు? వన రక్షకులు వారి మాటలతో…
అధికారులకు అడవి తల్లి పిలుపును వినిపించారు.
“ఈ అడవి మాది, మాతో పాటు ఈ అడవిని కూడా రక్షించుకోండి” అని వారు అధికారులకు చెప్పారు.
అధికారులు వన రక్షకుల మాటలకు కదిలారు. వారు అడవి ప్రాముఖ్యతను అర్థం చేసుకున్నారు. అధికారులు వన రక్షకులతో కలిసి అడవిని రక్షించడానికి నిర్ణయించుకున్నారు.
వన రక్షకుల పోరాటం ఫలించింది. వారు అడవిని, వారి హక్కులను రక్షించుకున్నారు. వన రక్షకుల బృందం అడవి తల్లి పిలుపును అర్థం చేసుకుంది, అడవిని రక్షించడానికి వారి జీవితాలను అంకితం చేశారు.
వన రక్షకుల పోరాటం భూమి కోసం కాదు, మానవత్వం కోసం.
మాధవి కాళ్ల..