ఆంగ్ల సంవత్సరం-2023

మందు బాబులంత చిందులు వేయుచూ
బార్లముందు పెద్ద బారు నిలిచి
దూరముండు మనగ దురుసుగా మాటాడి
గుంపు గూడి మంద గోలజేసె

బారు తెరవగానె బారుగా నిలుచుండి
నాకు ముందు మందు నాకుయంటు
వంతువారిగ గొని వాంతులు జేసిరి
బారు ముందు మందు బాబులంత

జనవరి ఒకటనుచు జంకు గొంకూ లేక
మందుబాబులంత చిందులేస్తు
బాటలన్ని తిరిగి బాగుగా అరచుచూ
బార్ల ముందు కొచ్చి బోర్లబడిరి

– కోట