మనస్సాక్షి

మనస్సాక్షి

నా పేరు శోభన

—–ఇది నా కథ

నా …మనసాక్షి ”’

నా అంతరంగాన్ని

ఆవిష్కరించుకుంటున్న

నా ఆత్మఘోష తెలియజేసుకుంటున్న

నా మనసుకి నేను చెప్పుకుంటున్నా

ఒక నిజమైన కథ నా మనస్సాక్షి

ఒక కథగా మీకందరికీ చెబుతున్న

జరిగింది జరిగినట్లుగా ”

తప్పా ఒప్పా నేరమా పాపమా

న్యాయమా అన్యాయమా ”

మీరే చెప్పాలి…?

—— ఓ ఊర్లో చాలా మంది లాగే ‘

ఓ గౌరవమైన ‘ సంప్రదాయమైన ఓ తెలుగు

దిగువమధ్య తరగతి కుటుంబంలో ముగ్గురు ఆడపిల్లలలో నేను ఒకదాన్ని,

అందరికన్నా చిన్నదాన్ని దానితో కాస్త నన్ను ఇంటర్ ద్వితీయ సంవత్సరం వరకు చదివించి ” కుట్లు అల్లికలు నేర్పించి పరువం రాగానే వున్నాదాంట్లో సర్దిచేసి పెళ్లి చేసారు…

ఒక అత్త ఒక మామ ఒక బావ ఇద్దరు మరద్దులు మొత్తం నల్గురు మా వారు రెండో వారు, ఆడపడుచులు లేని ఇంట్లో రెండో కోడలిగా వెళ్ళాను.

అత్త పోరు పడలేక చాకిరీ చేయలేక ఇంటికి పెద్ద కోడలు అదే మా తోడికోడలు పెళ్లి అయినా ఏడాదికే సొంత కుంపటి పెట్టింది నా పెళ్లి కాకముందే వాళ్ళు వేరే కాపురం పెట్టారు….. దానితో కొత్తగా పెళ్లి అయి కోడలిగా వెళ్లిన నాకు చాలా పని భారం పడింది మా అత్త గారు పెద్దగా పనిలో తోడు వుండరు…

ఎంతసేపు అందరితో ముచ్చట్లు కాలక్షేపంచేస్తూ చివాట్లు పెడుతూ పంతం చెలయిస్తూ పనులు, చేయించుకుంటుంది. ఎంతసేపు అలంకరించుకోవడం సరదాగా తిరగడం ఇదే ఆమె పని…అలా ” సంవత్సరన్నార గడిచింది సర్లే ఏమి చేస్తాం వాళ్ళకి నేనే ఓ కూతురు అనుకోని ఇది నా కుటుంబం అని, భావించి చాలా చాకిరీ చేసాను.

అలా రోజులు గడుస్తూ రెండు సంవత్సరాలు గడిచాయి ఇంట్లో ఎంత చాకిరీ వున్నా మా వారు కొంచెం ఆప్యాయత ప్రేమ,

నాకు ఊరట ఇచ్చేవి అప్పుడు.

కొన్నాళ్ళు మా వారు బాగానే వుండేవాళ్ళు అలా ‘ తర్వాత ఏమైందో ఏమో కానీ మా వారికి స్నేహితులు ఎక్కువయ్యారు మద్యం బాగా అలవాటు అయ్యింది అప్పటికే నాకు ఇద్దరు పిల్లలు పుట్టారు.

ఒక పాప బాబు ఇంట్లో ఇంకా పని భారం ఎక్కువ అయింది….మా వారు స్నేహితులతో

మద్యం తాగి రోజు మధ్య రాత్రి,

ఇంటికి వచ్చేవాడు…..రాగానే తింటే తినేవాడు ‘ లేకుంటే లేదు ఏ మాట ముచ్చట ప్రేమ ఆప్యాయత ఏమీ ఉండేవి కావు అలా మత్తులో మునిగి పోయాడు పిల్లలు ఉన్నారు కాస్త అంతో ఇంతో సాయం చేద్దాం ఆలోచన కూడా లేదు.

అన్ని పనులు నేనే చేసేదాన్ని అన్ని పనులు చేస్తే కూడా మా అత్త గారితో శివాట్లు కొట్లాటలు రోజు దినచర్యగా జరిగేవి….

ఇటు చేసుకున్న మొగుడు పట్టించుకోడు

అటు ఇంట్లో ప్రశాంతత లేదు.

ఏదో తన సుఖానికి పడుకోవాలి అలా కాలం గడపాలి నా ఇష్టాయిష్టాలు నా మాటలు నా అభిప్రాయాలకు నాకు ఏ మాత్రం గౌరవ మర్యాద లేకుండా పోయాయి నాకు ఒక మనసు ఉంటుంది అని ఇదే లేదు నేనొక మరయంత్రంలా ”

తయారయ్యాను……ఆ ఇంట్లో

ఒక పక్క గొడ్డు చాకిరి చేయాలి ఇంకోపక్క

మొగుడికి  సుఖాన్ని పంచి పెట్టాలి…

నన్ను నా మనసు అర్థం చేసుకునే వారే లేరు,

పుట్టింట్లో ‘ ఇవన్నీ చెప్పి వాళ్లను బాధ పెట్టడం ఇష్టం లేక అంతా బాగున్నా అన్నట్లు నటిస్తూ వాళ్లకు నా గోడు ఏమి చెప్పేదాన్ని కాదు.

ఎన్నో కలలు ఎన్నో ఆశలతో ఉన్న నా జీవితం ఒక్కసారి అంధకారం చీకటి శూన్యంలా కనిపించాయి జీవితం మీద వైరాగ్యం చిరాకు విసుగు అన్ని పుట్టాయి ఇలా ఒక్కసారిగా,

మొదటినుంచి నాది కొంచెం సున్నిత స్వభావం  దానితో నా మనసు చాలా గాయపడింది.

చాలా కలత చెందింది…ఇలా ఉండగా హఠాత్తుగా నా జీవితంలో ఒక  పెనుమార్పు ఒక పరిణామం జరిగింది.

అది నా జీవితంలో వెలుగు అనుకోవాలో చీకటి అనుకోవాలో నాకు తెలియదు ఎందుకంటే ఆ హటాత్తు పరిణామం ఆ మార్పు నా జీవితంలో సంతోషంతో పాటు దుఃఖాన్ని కూడా మిగిలించింది

ఆ సంతోషం ఎంతో కాలం నిలవలేదు తాత్కాలికంగా కొంత కాలంతో ముగిసిపోయింది.

ఏంటంటే మా ఇంటి పక్కనే కొత్తగా అద్దెకు వచ్చాడు ఒక బ్యాచిలర్ అబ్బాయి చదువుకోవడానికి….

నేను బట్టలు అరేసేటప్పుడు తను చూసే వాడు మొదట ఎవరో ఏంటో అని,

పట్టించుకోనే దాన్ని కాదు.

నా పని నేను చేసుకొనే దాన్ని క్రమేణా తన చూపు నవ్వు చిన్న చిన్న సంగతులు మా మధ్య పరిచయం పెరిగేలా చేసింది…అప్పుడప్పుడు  కుదిరినప్పుడు వూరికే మాట్లాడుకొనేవాళ్ళం ‘

అలా కొన్ని రోజుల తరువాత మా మధ్య చనువు బాగా పెరిగింది.

నా బాధలు తనతో చెప్పుకోవడం తను ఓదార్పు ఇవ్వడం తన స్నేహం మాటలు తన మంచితనం

నాకు చాలా బాగా నచ్చాయి… ఆ సమయంలో తను నాకు దొరికిన ఒక అదృష్టంగా భావించాను…

నా మనసుకు ఏదో తెలియని ఆనందం ధైర్యం అతని పరిచయంతో నాకు వచ్చాయి మేము మానసికంగా చాలా దగ్గరయ్యాము.. నా మనసుకు ఎంతో ఊరట వచ్చింది ఒకరంటే ఒకరికి ప్రాణంముగా  విడిచి బ్రతకలేము అన్నంతగా అయింది…. నేనంటే తనకు ఎంతో ఇష్టం ఏంతో ఆప్యాయత ”

ఇలాంటి వాడు నా జీవితంలో నాకు భర్తగా వొస్తే ఎంత బాగుండు అని నాకు అనిపించింది.

అనుకోకుండా ఒకరోజు ఎవరు లేనప్పుడు మా మధ్య ఏకాంతం కుదిరింది చాలా  అలా మాట్లాడుతూ ఉండగా మాకు తెలియకుండానే మా మనసు అధీనం తప్పి మా దేహాల మధ్య వేడి నిప్పు రాజేసుకుంది మా ఇరువురి మధ్య రతి జరిగింది…. మా మనసు తనువు రెండు తనివీ తీరని తన్మయత్వ భావనలో మునిగిపోయింది.

ఇంక మేము చాలా దగ్గర అయ్యాము మనసుకు నచ్చిన వాడు ప్రేమను పంచే వాడు వుంటే జీవితం ఒక స్వర్గం అన్నట్లు అనిపించింది.

మా ఇద్దరి బంధం రెండు శరీరలా తపన కాదు

దానికి అతీతం అంతకు మించి మా ప్రేమలో ఇది ఒక భాగం మాత్రమే…కానీ ఎంత ఇష్టం వున్నా ఎంత ప్రేమ వున్నా మా బంధం కొంతకాలమే అని అప్పుడే అర్థం అయింది.. ఎందుకంటే తను నన్ను పెళ్లి చేసుకుంటా అన్న కూడ నేను తనని పెళ్లి చేసుకోలేని పరిస్థితి,

నేను ఒక పెళ్లి అయినా దాన్ని ఒక తల్లిని ‘

నాకు ఇద్దరు పిల్లలు భర్త వున్నారు…

అలా చేస్తే ఈ సమాజం కుటుంబం అందరూ చాలా తప్పుగా చూస్తారు ఒక రకంగా వెలివేస్తారు…

ఇలాంటి వాటికీ ఈ సమాజం రకరకాల పేర్లు పెడుతుంది అని తెలుసు….అందుకే వొద్దు అన్నాను

ఏదో అలా కలిసాం మనకు కలిసి బ్రతికే దారి లేదు కుదరదు ఇక ఎవరి జీవితం వారిది ఎవరి ప్రయాణం వారిది అని అనుకున్నాము….

కొంతకాలం గడిచాక మా ఇంట్లో ‘

అనుమానం వచ్చింది గొడవలయ్యాయి,

చాలా ఇబ్బందులు ఎదురయ్యాయి…..

అతను దూరం వెళ్ళిపోయాడు పెళ్లి అయిపొయింది తన జీవితం తనది అయింది…. ఆ తరవాత తను నన్ను ఇబ్బంది పెట్టలేదు నేను అతన్ని ఇబ్బంది పెట్టలేదు… కొన్ని రోజులకు కుటుంబంతో వేరు పడ్డాము…..గొడవలు సర్దుమనిగాయి,

ఇంక  అర్థం చేసుకున్నాము సర్దిచెప్పుకున్నాము

మావారు మద్యం మానేసాడు మారిపోయాడు

నన్ను నా మనసును పూర్తిగా అర్థం చేసుకోలేక పోయిన ఒక మేరకు నయమే ఇప్పుడు ‘ బాగున్నాము…!

ఏది ఏమైనా తను నా జీవితంలో ఎప్పటికీ ఒక   చిరస్మరణీయమైన జ్ఞాపకమే….”

తను నాకు ఓదార్పు ఇచ్చాడు

ప్రేమను పంచాడు…

నా కష్టాలు అర్థం చేసుకున్నాడు

నేనున్నా అనే భరోసా ఇచ్చాడు

నమ్మకం ధైర్యం ఆత్మవిశ్వాసం ఇచ్చాడు

నా మనసును అర్థం చేసుకున్నాడు

నా మనసుకు దగ్గరగా మసులుకున్నాడు

నా భావాలను అర్థం చేసుకొని నడుచుకున్నాడు

అందుకేనేమో ఇన్ని ఇచ్చాడు కాబట్టి

నాకు తెలియకుండానే నా శరీరం ఇచ్చేసా

ఏ ఆడదానికైనా ఒక్కమగాడు

నుంచి కావాల్సింది ఇదే కదా

ఇదే కోరుకుంటుంది కదా…

ఈ సమాజంలో కామం ఒక్కటే

అని చాలా నీచంగా ముద్రించి చూస్తుంది…!

కానీ నా జీవితంలో ఒక మచ్చలా మిగిలిపోయింది.

ఆ సంఘటన…. ఈ సమాజం మనుషులు

చాలా పేర్లు పెట్టారు మా బంధాన్నికి కానీ వాస్తవం అర్థం కాదు, మనుషుల్ని మనసులని అర్థం చేసుకోరు…

నేను చేసింది తప్ప ఒప్పా నాకు తెలియదు కానీ

అప్పటి నా స్థితికి పరిస్థితికి నా ఆలోచన స్థాయికి అలా చేసాను గాయపడిన నా మనసుకి ఓదార్పు ప్రేమ ‘ స్నేహం ‘ ఆప్యాయత ‘అనురాగం కోరుకున్నాను అంతే…!

కామంతో కాదు…!!

-Saidachary Mandoju

 

 

 

Related Posts

Leave a Reply

Your email address will not be published. Required fields are marked *