tirumala geethavali

తిరుమల గీతావళి పల్లవి నిను చూడాలని నిను చేరాలని మనసే కోరెనుగా కోరిక తీరదుగా చరణం కొండంత దూరంలో కొలువైవున్నావు మామీద దయచూపి దర్శనమీయవయా తనువేమో తలచింది మనసేమో పిలిచింది దారేమో కనపడక దండాలు పెట్టేము చరణం దారేమో కనపడదు నిన్ను నమ్మకున్నాము నీనీడ మాకుంటే మా వెంట ఉన్నట్టే నిను చూడని బతుకున అన్నీ లోటేగా మాకేమో చేటేగా గోవింద అనకుంటే చరణం భక్తితో పిలిచేము ఆర్తితో కొలిచేము మనవీ వినవయ్యా అలకే మానవయా ఏడుకొండలు ఎక్కే కిటుకేదొ చెప్పవయా నిను చూసే భాగ్యము చూపగా రావయా - సి.యస్.రాంబాబు

తిరుమల గీతావళి పల్లవి తపియించె మనసు నిను చూడాలియనుచు జపియించ సాగెనుగా గోవింద నామమును చరణం గల్లంతు కాగా ఆశలన్నియు మావి నీవే దిక్కనుచు కొలిచేము స్వామి కాపాడమనుచు వేడేము నిన్ను కలలోనయినా దర్శనము ఈయవా చరణం ఇబ్బందులున్నాయని నీ తలపు మానము మనసు తలుపులను తెరిచి ఉంచేము కొలువై ఉంటావని కోరికలను తీర్చేవని మా నిధివి నీవు మా సన్నిధివి నీవు మరిచిపోకయ్యా తరతమభేదములు లేవు నిను చూచువారికి చరణం నీ నీడచాలుగా నీ ధ్యాసనిలిపేందుకు నీ తోడు చాలుగా కష్టములను దాటేందుకు నిను నమ్మినాము మన్నించి రావయ్యా మమతనే పంచేందుకు వేగమే రావయ్యా వెతలు తీర్చేందుకు - సి.యస్.రాంబాబు

తిరుమల గీతావళి పల్లవి శ్రీనివాసుని చూసెదమండీ కష్టాలన్నీ తీరునులెండి పదమే పాడుతు కదలాలండీ ఏడుకొండలు ఎక్కెదమండీ చరణం కలియుగమున వెలసినవాడు నిత్యపూజలను గైకొనువాడు భక్తసులభుడూ శ్రీనివాసుడు అభయమునిచ్చి కాపాడేవాడు చరణం కలతలు నలతలు తనవంటాడు తనువు మనసు తనదందాము కలియుగమందున వెలసినవాడు వేదనలన్నీ తెలిసినవాడు చరణం చిరునవ్వేగా తన ఆభరణము తన కరుణేగా మనసాధనము అండగ నిలిచి ధైర్యమునిచ్చి వేడుక చేయును మన జీవితమును - సి.యస్.రాంబాబు