శ్రామికుల పర్వ దినము - పీడితమణిగిన దినము
శ్రమ జీవన సౌందర్యము
జాతి సంపదకు మూలము
చెమట చుక్కలే పాటలు
సమ్మెట పోటులె దరువులు
స్వేద బిందువులె విలువలు
సంఘమునకవి సంపదలు
సంఘం అభివృద్ధిలోన
ఆతని పాత్ర కీలకము
సంపద పెంపుదల లోన
అతని కష్టం కఠోరము
స్వేద బిందువు చాటింపు
కష్ట జీవుల గుర్తింపు
పోరాటాన రాణింపు
ఉద్యమాల మేలుకొలుపు
హక్కుల పరి రక్షింపు
కార్మికుల చట్టాలకు
నేతల బలం కావాలి
శ్రామిక జీవితాలలో
నిండు వెలుగులు నింపాలి
శ్రమ శక్తియె దైవశక్తి
శ్రమా గుణమె దైవత్వం
శ్రమకు జీవం పోస్తారు
సంఘ సిరులను పెంచుతారు
స్వేద బిందువుకు సలాం
శ్రమ జీవికి లాల్ సలాం
-నంద్యాల అంబా భవాని
