బాపుబొమ్మ
ఓ బొమ్మా బుట్టబొమ్మా మనసునలా తట్టకమ్మా
కట్టకమ్మా కట్టకమ్మా గాలిలోన కోటలు కట్టకమ్మా
అందనీ చందమామనూ అందుననీ నమ్మించునే
చెంతనే చేర్చి ఆడుకోవచ్చని ఆశలు పుట్టించునే
రెక్కలగుర్రం రెపరెపలిడుతూ గాలిలోన తిప్పునే
చుక్కల ఆకాశం చక్కని అవకాశం అని చెప్పునే ౹ప౹
వయసు మర్మమే ఎరుగక వయారమని సర్దుకోకే
వరసతప్పి సొగసుముసుగులో అసలే చిక్కుకోకే
కనిపించేవన్నీ కంటికి కనిపించేవన్నీ పాలనూకోకే
వినిపించేవన్నీ వింతగ వినిపించిన వినాలనుకోకే
చ౹౹ రంగులా లోకం రింగు రింగునా ఊహల్లో ఊపునే
పొంగులా పాలపొంగులా కలల్లో ముంచిచూపునే
మదిలోని కలలకు మారాకూ వేయనీకే చిలకమ్మా
ఆదిలోనే అసలు కథకు తాళం వేసి కదలనీకమ్మా...
- భరద్వాజ్
