తిరుమల గీతావళి
పల్లవి
పులకించదా మది
నిను చూడగానే
ఎదనిండదా ప్రభు
నిను చేరగానే
గోవింద నామమే
దరిచేర్చు మమ్ము
కష్టాల నుంచి కాపాడు మమ్ము
చరణం
పద్మ నయనంబులతో
పచ్చగా నవ్వేవు
శ్రీదేవి భూదేవి తోడుగా ఉండ
అవనినేలేవు
నీ పిలుపుకై మేము వేచేము స్వామీ
కైమోడ్పులర్పింప
నీ చెంత చేరేము
చరణం
ఏ పేరు పిలచినా
కదలివస్తావుగ నీవు
కోరికలు కోరేటి
ఈ అల్పులను రక్షింప
నిను చూడరాలేక
దుఃఖించుతుంటాము
ఓదార్పు కనులతో
అండనేనుంటానని
ధైర్యాన్ని కానుకగా మాకు
ఇస్తావయ్యా
చరణం
నీతోటి మాకు
ఏబంధమో కానీ
పరితపించుతు మేము
నీకై చూస్తాము
మనసంత నీవుండ
చింతేలనయ్యా ఓ శ్రీనివాసా
కలలోన మమ్ము చూస్తావుగ నీవు
నిదురించు కనులకు నీడవేగా నీవు
-సి.యస్.రాంబాబు
