ఈ రోజు అంశం
రేప్ కి గురైన అమ్మాయి మానసికస్థితి
ముందుగా అసలు తనకు ఏమైందో తెలియదు. చాలా షాక్ లో ఉంటుంది.ఒకవేళ తెలిసిన వారే ఇలా చేసి ఉంటే ఇంకా ఎక్కువగా దుఃఖిస్తుంది. తల్లిదండ్రులకు ముఖాన్ని చూపించలేదు.ఏదో తప్పు చేసినట్టు భావిస్తుంది.తల్లిదండ్రుల మొహాల్లో మేము అప్పుడే చెప్పాము స్నేహం వద్దు అనే ఒక లాంటి కోపం,బాధ,దుఃఖం తో పాటు పరువూ,మర్యాద ,అందరికీ తెలిసిందే అనే దిగులు రేపు అడిగితే ఏం సమాధానం చెప్పాలని ఆలోచన ఉంటాయి.ఒకవేళ అన్నదమ్ములు ఉండి ఉంటే వాళ్ళు కూడా అమ్మాయిని అసహ్యంగా చూస్తారు.ఇదేం చేసిందో అందుకే వాళ్ళు అలా చేశారనే మాటలు సుదుల్లా గుచ్చుతుంటే ఓ వైపు మాటల మంటలు,మరోవైపు శారీరక మంటలు ఆమెను దహిస్తూ అంటుంటే మరో వైపు పోలీసులు ఆమెను అక్కడికి ఎందుకు వెళ్లవు , ఎలా వెళ్ళావు, ఏం తాగారు,ఏం తిన్నారు, లేదా ఎంత మంది బలవంతం చేశారు, ఒకరి తర్వాత ఒకరు చేశారా,లేదా అందరూ కలిపి చేశారా, ముందుగా బట్టలు విప్పరా అంటూ మాటలతో హింసిస్తూ, లేడీ డాక్టర్ చేత శరీరాన్ని అణువణువునా శోధిస్తూ మానం లో ఉన్న స్పెర్మ్ ను తీయాలనే సాకుతో, గోళ్ళలో వెంట్రుకలు,నోట్లో లాలాజలం తీస్తూ మరో విధంగా మానసిక హింస పెడతారు.ఇక్కడ ఈ విధంగా ఉంటే బయట పరిస్థితి మరోలా ఉంటుంది. టీవీ లో రేప్ జరిగిన స్థలాన్ని,అమ్మాయిని ,తల్లిదండ్రులను చూపిస్తూ ప్రపంచం అంతా తెలిసేలా అసభ్యంగా మాట్లాడుతూ అసలు ఈ అమ్మాయికి తెలిసే వెళ్లిందా,డబ్బులు కోసం వెళ్లిందా,ఎంజాయ్ కోసం వెళ్లిందా అంటూ తమ టీ ఆర్పి రేటు పెంచుకోవడానికి చెప్పిందే చెప్తూ, చూపించిందే చూపిస్తూ , డిబెట్స్ పెడుతూ ఆ రోజంతా అదే పెద్ద సమస్య అన్నట్టు బిల్డప్ ఇస్తూ తమ చానెల్ ముందుగా కనుక్కుంది అని గొరంతలు కొండంతలు చేస్తుంటారు.
ఇవన్నీ చూస్తున్న అమ్మాయి ఇంకా ప్రాణాలతో ఉంటే బయట జరిగేది,హాస్పిటల్ లో జరిగేది చూస్తూ సిగ్గుతో చచ్చిపోతుంది. ఒక వేళ ప్రాణాలతో బయట నుండి పడి ఇంటికి వచ్చిందే అనుకోండి ఇక ఉంటుంది రోజోక హింస అలాంటి బట్టలు వేసుకొని వెళ్లొద్దు అంటే విన్నావా, వాళ్ళతో స్నేహం వద్దు అంటే విన్నావా , అంటూ తల్లిదండ్రులు చుట్టూ ప్రక్కల వాళ్ళు ఈ అమ్మాయికి అంట రేప్ జరిగిందంట అంత మందిని తట్టుకుంది అంటే. గట్టిదే అంటూ హేళన మాటలు మాట్లాడుతూ అమ్మాయి నీ ఇంకా హింసిస్తారు.ఈ మాటలు,చూపులు,చేతలు,ఇంట్లో వారి సపోర్ట్ లేకుండా ఉండడం,పైగా పిలిచినప్పుడల్లా పోలీస్ స్టేషన్ కి వెళ్ళడం ఒకవేళ లాయార్ నీ పెట్టుకుంటే అతని మాటలు అంత మందితో జరిగింది నాతో ఒక్కసారి అని వాడో లేదా చుట్టూ ప్రక్కల వాడో,లేదా ఇంట్లో అన్నదమ్ములో అంటుంటే ఎవరికీ చెప్పుకోవాలో తెలియక,మారిన ఒక్క పూటలో మారిన తన జీవితాన్ని చూస్తూ,తాను చేసిన తప్పేంటి తెలియక అల్లాడి పోతూ మనసులో సంఘర్షణ పడుతూ ,నిజానికి ఆడది రేప్ కు గురైంది అంటే కన్నతండ్రి ,తమ్ముళ్ళ చూపులు కూడా మారిపోతాయి ఇది చాలా వరకు నిజం. ఇవన్నీ తట్టుకున్నా తల్లికి చెప్పుకున్నా నమ్మక ,వేరే ఎక్కడికైనా వెళ్లి బ్రతకాలి అనుకున్నా పేపర్లో వచ్చింది కాబట్టి అందరూ గుర్తు పడతారు అనే భయంతో కృంగి, కృశించి తాను ఆత్మహత్య చేసుకోవడమో,లేదా ఇంట్లో రేప్ అయినా అమ్మాయిని పెట్టుకుంటే రేపు ఉన్న పిల్లలకు పెళ్ళిళ్ళు కావు అనే ఉద్దేశ్యం తోనో తల్లిదండ్రులే ఆ అమ్మాయిని చంపాడమో లేదా జరుగుతున్న వాటిని చూడలేక అవమానాన్ని భరించలేక ఆ అమ్మాయి మానసిక సంఘర్షణ తట్టుకోలేక తనవలన ఇంకేం ఉపయోగం లేదని,తానంటే అందరికీ లోకువ అని ,సమాజం తనని ఒక దోషి లా చూస్తుందని భావించి చివరికి చనిపోతుంది. రేప్ లేదా బలాత్కారం జరిగిన ప్రతి అమ్మాయి, మహిళకి సంఘంలో ఒక రోజు మద్దతు ఇచ్చి వదిలేసిన తర్వాత జరిగే పరిణామాలు ఇవే . చివరికి ఆమెను ఎవరైనా పెళ్లి చేసుకున్నా ఆ బాధ వర్ణాతీతంగా ఉంటుంది.అది తర్వాత మాట్లాడుకుందాం. కానీ రేప్ కి గురైన మహిళలు చాలా వరకు చనిపోతారు తప్ప జీవించి ఉండరు అనేది నగ్న సత్యం ..
ఈ రచన నా సొంతమే అని హామీ ఇస్తున్నాను.
భవ్యచారు