చిత్ర కవిత

అమ్మెా! గన్ గురి పెట్టి కాల్చకు
నేను ఛస్తే నీకెవరు ఉండరు
నీ గురించి నువ్వు తెలుసు కో
నీకన్నీ సేవలు చేసినా గుర్తించ లేవా!
కాల్చి చంపేస్తే నీకు సేవలు చేసే
వారెవరు?
బాబోయ్! చాలా పెద్ద గురి పెట్టావు..
నేను నీ అమ్మ ను రా!
చిన్నప్పటి నుండి పాలు పోసి పెంచాను..
లాల పోసి జోల పాడాను!
మంచి బుద్దులు నేర్పి పెంచాను
ఇలాంటి పనులు చేస్తావా?
అయ్యెా! అయ్యెా! అయ్యయ్యెా!!
హా....అదేంట్రా? అరటి పండా?
కాల్చి చంపవా? తెచ్చి తినిపిస్తావా?
నా బంగారు కొండే! నా ముద్దుల మూటే!
మా నాయనే! నా బుజ్జి తండ్రే!!



ఉమాదేవి ఎర్రం.

ఇది నా స్వీయ రచన.

అక్షరలిపి
3/7/25
అంశం :
చిత్ర కవిత
రుద్రపాక సామ్రాజ్యలక్ష్మి

ఓటమినుండే గెలుపు నేర్చుకో .ఓడిపోయానని దిగులుపడటం కంటే ఆ ఓటమిని విజయంగా ఎలా మార్చుకోగలవో ఆలోచించు. కన్నీరు కారుస్తూ కూర్చుంటే ఎవరు నీకు సాయం చేయరు .

ఆడపిల్ల జీవితం అంగడిలో బొమ్మ .చిన్నతనం నుండి జాగ్రత్తగా తల్లి తండ్రి చెప్పినట్టు వింటే ఈ బాధలు ఉండవు .

ఇప్పుడు వగచి ఏమి ప్రయోజనం లేదు. చేతులు కాలకమునుపే ఆకులు పట్టుకోవాలి .

ఆడపిల్ల జీవితం అరిటాకు వంటిది‌ అది వెళ్లి ముల్లు మీద పడ్డ ఆకుకే నష్టం .ఆకు వెళ్లి ముళ్ళు మీద పడ్డ ఆకుకే నష్టం .

అందుకే ఆడపిల్ల పవిత్రతను కాపాడుకోవాలి.
తర్వాత బాధపడి ఏమీ ప్రయోజనం లేదు .

ఇది అక్షరలిపి కి నా రచన

అక్షర లిపి,
తేది-02/07/2025,
నారి నరేష్ మస్కట్ ఒమన్,
కవిత సంఖ్య _22

అంశం: చిత్ర కవిత,
శీర్షిక: తోడు నీడ,

వారికి వారే ఆసరా,
పసి పిల్లలు ప్రాయ వారిది,
గుండె లోతుల్లో బాదున్నా నవ్వుతూ ఉంటారు,
ఆలనా పాలన వారికి వారే,

వృద్ధాప్యo వారి జీవితాల్లో చివరి ఘట్టం,
ఎదురు తిరగలేరు చిన్న పిల్లలు మనస్తత్వాలు,
ఒకరికోకరు ధైర్యం గా,
జీవితాలు చదివిన వారు ఇప్పుడు ఇలా
మారిపోయారు,

బ్రతుకు జీవితంలో నా అనుకునే వారి కోసం
కష్టపడ్డారు,
కుటుంబమే జీవితంగా బ్రతికారు,
వారి బాధ్యత ఎవరు చూడాలి,
ఇంటికి పెద్దదిక్కు వారు,

కాలచక్రంలో వయస్సు పై బడిన జంట వారు,
ప్రేమగా చూడండి నిర్లక్ష్యం చేయవద్దు,
వారు బరువు కాదు బాధ్యత పిల్లలకి,
వారి అడుగులో అడుగులై కదలండి,

వారికి మీరు ఇచ్చేది సంతోషం,
ప్రతిరోజు నవ్వుతూ వారి ప్రేమను పొందాడి,
వృద్ధాప్యo వారికి తోడు నీడగా
సాగిపోవాలి,
జీవితపు చివరి క్షణాలు ఆనందంగా
గడిచిపోవాలి,

ఇది నా స్వీయ రచన,

నీ ఆలోచనలే నీ ప్రగతికి మూలం,,,,!!

మిత్రమా నీ ఆలోచనలు కాంతి వేగం కన్నా మిన్న
అనంత దూరంలో ఉన్న నక్షత్రాలు అలా చూసినంతనే అగుపడుతున్నాయి
మనస్సు ఆలోచనల మహాసముద్రం
తీవ్రమైన ఆలోచనలు చేస్తున్నప్పుడు నీ చుట్టూర వాటి సంకేతాలు ప్రసరిస్తుంటాయి
వేదనాపూరిత ఆలోచనలు అదుపుతప్పిన ఆరని మంటలు
కాలంతో పాటు మనస్సు తనను తాను అదుపుచేసుకునే శక్తి ఉంది
నిన్ను నీవు గెలవాలంటే బిజీగా ఎదో ఒక పనిలో మునిగిపోవాలి
పుస్తక అధ్యయనం ధ్యానం లాంటివి చేస్తే మనస్సు పక్వమై సరియవుతుంది
మన తీవ్రమైన ఆలోచనల తీరును కుక్కలు కొన్ని జంతువులు గ్రహించే స్వభావం ఉంది
ఆలోచనలు కంట్రోల్ చేసుకోలేనప్పుడు మానసిక వ్యాధులు వస్తాయి
వీటి బారిన పడితే బయటపడటం చాలా కష్టం
అదుపుతప్పిన ఉద్రేకాలను దుఃఖిత ఆలోచనలను మొదట్లోనే త్రుంచి వేయాలి
మనచుట్టూ సమాజం ఉంది మనను గమనించే వాళ్ళు ఉంటారు
మనోవ్యాకులతలు దుఃఖాల తీవ్రతలు గమనించి స్నేహితులు జనంలో కలిసి మాట్లాడుతుంటే మరచిపోయి రకరకాల వ్యాపకాలలో మునిగితేలుతాం
ఆలోచనలే అద్భుత ఆవిష్కరణలకు మూలం
ఒంటరిగా ఉంటే ఆలోచనలు బుసకొట్టి నిన్ను తినేస్తాయి
అందుకే అధ్యయనం ధ్యానం లాంటివి చేస్తూ జనజీవన శ్రవంతిలో కలిసిపోతే మామూలు మనుషులం అవుతాం
ఇంత తింటున్నామంటే శరీర పుష్టికి ,,,,,సక్రమమైన ఆలోచనలు నూతన సృష్టికి మూలం

అపరాజిత్
సూర్యాపేట

అక్షర లిపి

అంశం : చిత్రానికి కథ

తేదీ : 3/7/25

శీర్షిక : అనుభవించు రాజా

రచన: విత్తనాల విజయకుమార్
హైదరాబాద్

ఈ రచన నా సొంత రచనని హామీ ఇస్తున్నాను.

•••••••••••••••

అనుభవించు రాజా

"ఏమిటి డార్లింగ్! ఎలాగుండే దానివి? ఇలా తయారయ్యావ్! అసలు నిన్ను విడిచి వెళ్లడం నాదే తప్పు." అన్నాడు జాన్ తన భార్య సారాతో.

"నో జాన్. అలా అనకు. నేను పంపితేనే కదా నువ్వు వెళ్ళావ్! ఇందులో నీ తప్పేముంది. నో వర్రీస్. కమాన్ చీర్ అప్." అంది సారా గ్లాసు అందిస్తూ.

జాన్ సారాలది చాలా అన్యోన్యమైన దాంపత్యం. జాన్ కు 85 ఏళ్లు. సారాకు 83 ఏళ్లు. జాన్ సంపాదించిన ఆస్తి చాలా ఎక్కువగానే ఉంది. పిల్లలు విదేశాల్లో స్థిరపడ్డారు. స్వదేశానికి రమ్మని ఎంత కోరినా రావడం లేదు. అప్పుడప్పుడూ వీడియో కాల్ చేస్తుంటుంటారు. అక్కడినుండి ఇక్కడకు వచ్చి చూడటం లేదు. ఈ దంపతులు కూడా వాళ్లను ఇక్కడకు రమ్మని అడిగి అడిగి విసుగెత్తిపోయారు.

అందుకే భార్య భర్తలు ఇద్దరూ ఒక నిర్ణయానికి వచ్చారు. వాళ్లకున్న ఆస్తులను ఒక్కొక్కటిగా అమ్మేస్తున్నారు. పిల్లల కోసం ఉంచవలసిన అవసరం లేదనే నిర్ణయానికి వచ్చారు.

ఒక సైట్ ను అమ్మే పనిమీద జాన్ ఊరెళ్ళి డబ్బులతో తిరిగివచ్చాడు. సారాను ఈ వయసులో ఇబ్బంది పెట్టకూడదని తీసుకొని వెళ్లలేదు.

డబ్బు మొత్తం బ్యాంకులో వేశాడు జాన్. ఈ వ్యవహారం చూసి వచ్చేలోపు భార్య సారా బెంగపెట్టుకుంది.

అందుకే భార్యను ఓదార్చి ఆమెతో సరదాగా గడపాలని నిర్ణయించుకున్నాడు.

వాళ్లకు ఆనందంగా ఉండటానికి కావలసినవన్నీ కొన్నాడు. వాళ్లకు అన్ని పనులను చేసి పెట్టే ఖరీదైన పనిమనిషి ఉన్నది.

బతికినంత కాలం ఆనందంగా ఎవరికీ ఇబ్బంది కలగచేయకుండా బతకాలని వాళ్లు నిర్ణయించుకున్నారు.

భార్య భర్తలు ఇద్దరికీ సంగీతం అన్నా డాన్స్ అన్నా చాలా ఇష్టం. ఆ సమయంలో కొద్ది పాటి మద్యాన్ని కూడా ఒకరికొకరు చీర్స్ చెప్పుకుని సేవిస్తుంటుంటారు.

"సారా డార్లింగ్ మనం బ్రతికినంత కాలం ఈ డబ్బు సరిపోతుంది. నేను ముందు పోయినా నువ్వు బాధపడకు. సంతోషంగా ఉండు. ఖర్చు పెట్టుకున్నంత ఖర్చు పెట్టుకుని మిగిలింది నీకు ఇష్టం వచ్చిన వారికి ఇచ్చేయ్." అన్నాడు ఆమె నడుం చుట్టూ చేతులేస్తూ.

"అలాగే డార్లింగ్. నేను పోయినా నువ్వు కూడా అలాగే ఉండాలి. నా లెవెల్లో డాన్స్ చేసే అమ్మాయి దొరకకపోయినా, బాధపడకు. దొరికిన అమ్మాయితో ఆనందంగా డాన్స్ చేసుకో." అన్నది సారా నవ్వుతూ.

కథ సమాప్తం