సాయి చరితము -236
పల్లవి
నీ నీడే చాలని
నీ పేరే తోడని
కొలిచేము నిన్ను సాయి
కాపాడు మమ్ము సాయి
చరణం
మా కలయే నీవని
ఇలలోన వెతికితిమి
షిరిడీయే స్వర్గమని
తెలిసెనుగా
సద్గురువుని సేవలో
తరియించే భాగ్యము చాలునుగా
సాయి అన్న పిలుపుతో
సర్వము మేం మరిచెదము
చరణం
సాధారణ జీవనమే
మనకు ఎంతో మేలని
ఏనాడో చెప్పెనుగా
జీవులన్ని ఒకటనని
ప్రేమ ఒకటే సత్యమని
బోధనలే చేసెనుగా
తన చరితము చదివినచో
అదియే మనకు తెలియునుగా
చరణం
స్వార్థమే పెరిగెనుగా
మంచితనము మరచితిమి
సౌఖ్యమే పెన్నిధిగా
సాగుతున్న మనుషులను
మార్చవయ్య సాయి
మము మన్నించుము సాయి
నీ బాటన నడిచేందుకు
శక్తినొసగు సాయి..సన్మతినీయుము సాయి
-సి.యస్.రాంబాబు
