అందమైన నెమలి

ఈ రోజు అంశం
చిత్ర కవిత్వం

శీర్షిక
ప్రకృతిని కాపాడుకుందాం.


అందమైన ప్రకృతిలో
రంగుల పూలున్నాయి.
రంగుల పూల దగ్గర సీతాకోకచిలుకలెన్నో ఎగురుతున్నాయి.
ఆ రమణీయ దృశ్యం
హృదిని రంచిపజేసేను.
ఆ సుందర చిత్రం
మదిని దోచేస్తోంది.

భవిష్యత్తు తరాలకు ఆ సుందర ప్రకృతిని చూసే అదృష్టం లేదేమో.
చెట్లను కొట్టేస్తోంది
ఈ మానవ సమాజం.
మరి చెట్లు లేకపోతే
పువ్వులుండవు కదా.
పువ్వులు లేకపోతే
సీతాకోకచిలుకలు
కూడా ఉండవు కదా.
అవి లేనినాడు మనిషి
మనుగడ సాగించలేడు.
ఆ అందమైన దృశ్యాలు
మాయమయిపోతాయి.
ఆలోచిస్తేనే మనసు
వికలం అయిపోతుంది.
అందుకే మనం చెట్లు నాటుదాం.
అందమైన ప్రకృతిని
కాపాడుకుందాం.

ఈ రచన నా స్వీయ రచన.
వెంకట భాను ప్రసాద్ చలసాని.

ఈ రోజు అంశం
చిత్ర కవిత్వం.

శీర్షిక
ప్రేమ బంధం

ఎన్నటికీ వీడలేనిది
నిజమైన ప్రేమబంధం.
అపురూపమైనది
అనురాగ బంధం.
ప్రేమ గుడ్డిది అంటారు.
ఆ మాట నిజమేనేమో.
ప్రేమలో పడితే చుట్టూ ఉన్న ఈ ప్రపంచాన్ని
ఏమాత్రం గమనించరు.
తమ ప్రేమ లోకంలో
తాము విహరిస్తారు.

ప్రేమికులను పిచ్చి
వాళ్ళు అంటోంది వారి
చుట్టూ ఉన్న ప్రపంచం.
ఆ మాట నిజమేనేమో.
ప్రేమ విఫలం అయ్యాక
పిచ్చివాళ్ళే అయ్యారు
ఎందరో ప్రేమికులు.
భగ్న ప్రేమికుడికి ఈ
ప్రపంచమే ఒక నరకం.
ప్రేమించుకుని ఆ తర్వాత విడిపోయిన వారి సంఖ్యే ఎక్కువ.
ఆ భగ్న ప్రేమికుల
మనస్సులెన్నెన్ని ముక్కలైపోయాయో.
వారి కంట రుధిరం
కారుతోంది చూడు.
ప్రేమ పేరుతో మోసం
చేస్తూ పోతున్నారు
కొందరు రాక్షసులు.
ఆ వలలో చిక్కుకుని
వగచే అభాగ్యులెందరో.
కాలమే వారి గాయాల్ని
మాన్పుతుందేమో.


ఈ రచన నా స్వీయ రచన.
వెంకట భాను ప్రసాద్ చలసాని

ఈ రోజు అంశం
చిత్ర కవిత్వం.

శీర్షిక
ధైర్యాన్ని వీడవద్దు.

సమస్యలెన్నో చుట్టుముట్టినా, ప్రశాంతతను
మాత్రం కోల్పోవద్దు.
కష్టాలు ఎదురైనా,
ధైర్యాన్ని వీడవద్దు.
ప్రతి సమస్యకూ ఒక
పరిష్కారం ఉంటుంది.
ప్రయత్నించి చూడు,
ఫలితం లభిస్తుంది.
ఒంటరిగా ఉన్నానని
భావించకు నేస్తమా.
నీ వెంటే మేమున్నాం
అని గుర్తించు మిత్రమా.
నీ ఆశయం పెద్దది.
నీ ప్రయత్నం గొప్పది.
కష్టాలని ఓర్చుకోవాలి.
వాటి నుండి నువ్వెన్నో
పాఠాలు నేర్చుకోవాలి.
ఎవరూ తోడులేకున్నా,
ముందడుగు వెయ్యాలి.
నీకు నువ్వే ఒక సైన్యం
అని గ్రహించు మిత్రమా.
సమస్యలెన్నో చుట్టుముట్టినా, ప్రశాంతతను
మాత్రం కోల్పోవద్దు.
కష్టాలు ఎదురైనా,
ధైర్యాన్ని వీడవద్దు.

ఈ రచన నా స్వీయ రచన.
వెంకట భాను ప్రసాద్.

అందమైన నెమలి 🦚