మరో చరిత్ర మనచేతుల్లో చేతల్లో

అక్షర లిపి కొరకు రచన
రచన: రాజ్యలక్ష్మి శశిధర్.k
ఊరు: విజయవాడ
అంశం:అంశం: నేటి పిల్లలు – సామాజిక బాధ్యత
శీర్షిక: మరో చరిత్ర మనచేతుల్లో చేతల్లో
††††
నేటి పిల్లల చేతుల్లో రేపటి దారి,
వారి ఆలోచనలలోనే దేశం భవిష్యత్తు !
పుస్తకంతో పాటు విలువలు నేర్చుకుంటే,
సమాజం మార్పు దిశగా అడుగులు వేస్తే.

తల్లిదండ్రుల మాటల్లో గౌరవం దాగి,
గురువుల బోధలో జీవన జ్ఞానం సాగి.
స్వార్థం కాదు సేవే లక్ష్యమై ఉండాలి,
అదే నిజమైన విజ్ఞానం అని తెలుసుకోవాలి.

పరిశుభ్రతలో బాధ్యత చూపే మనసు,
చిన్నచిన్న పనుల్లో పెద్దదైన శక్తి దాచు.
చెట్లను కాపాడి భూమిని ప్రేమిస్తే,
రేపటి శ్వాసకే వారు కాపలాదారులే.

సామాజిక మాధ్యమంలో సత్యం నిలబెట్టి,
ద్వేషం కాదు దయనే మాటగా పలికించి.
బలహీనుల పక్షాన నిలబడే ధైర్యం పెంచి,
అన్యాయాన్ని ప్రశ్నించే స్వరం వినిపించి.

పేదరికం, ఆకలి చూడగానే కదిలే హృదయం,
పంచుకోవడంలోనే ఉందని తెలుసుకునే నిజం.
సమయం, శ్రమ రెండూ దేశానికి అర్పిస్తే,
పిల్లలే రేపటి నాయకులై వెలుగుతారు నిస్సందేహమే.