Month: January 2026

త్యాగమూర్తులు కవులు, కళాకారులు విద్వాంసులు వీణను మీటి రకరకాల రాగాలు పలికించినట్లు, కవులు, కళాకారులు మనస్సును మీటితే రకరకాల కవిత్వాలు, రచనలు, గానాలు రెక్కలు తొడుగుతాయి.ఉషోదయంలో వికసించిన పూవులు పొద్దస్తమానం మనస్సుకు ఆహ్లాదాన్ని ,ఆనందాన్ని పంచి,సాయం సంధ్య ముకుళించుకుని పోతాయి.కవులు, కళాకారులు, విద్వాంసులు ఎన్నెన్ని సారస్వతాలు, రాగాలు పోయినా రాత్రి నిదురించి మనస్సుకు విశ్రాంతి నిచ్చి తెలతెలవారగానే ఎప్పటి మాదిరిగానే తమ కవనాలలో,రాగాలలో నవ్యవసంతాల జీవనజ్యోతులు సృష్టించి మానవత్వంతో మానవకళ్యాణంకై జీవితాన్ని అర్పించే త్యాగమూర్తులు. అపరాజిత్సూర్యాపేట

అక్షర ప్రేమలేఖల కొరకుఅంశం :⁠- చిత్రంతేది:⁠- 23/01/2026శీర్షిక:⁠- నీ హృదయం ప్రియమైన నా ప్రాణం… ప్రతి క్షణం నా హృదయం నిన్నే పలుకరిస్తోంది. పచ్చిక గడ్డిపై మనిద్దరం పక్కపక్కన పడుకొని, ఆకాశాన్ని చూస్తూ, చేతులతో గుండె ఆకారం చేసుకున్న ఆ చిన్న క్షణం.నా జీవితానికి అర్థం చెప్పే ఒక జ్ఞాపకం. ఆ నిశ్శబ్దంలో కూడా నీ హృదయ ధ్వని నాకు వినిపిస్తున్నట్లుంది.నీ శ్వాస, నీ దగ్గర ఉండే ఆ ఉష్ణం, నీ ఉనికే నాకు ప్రపంచం.నీ పక్కన పడుకున్నప్పుడు కాలం ఆగిపోవాలని అనిపిస్తుంది. ఏ భయమూ లేకుండా, ఏ ఆలోచనలూ లేకుండా, కేవలం మనమిద్దరం అనే భావమే మిగిలిపోతుంది. ఆకాశం అంతా మన కలలతో నిండిపోయినట్టుంటుంది. గాలిలో ప్రేమ తాకిడిలా, నిశ్శబ్దంలో మన హృదయాల మాటలలా, ఆ క్షణం నన్ను పూర్తిగా నిన్ను చేసుకుంటుంది.నీ చేతిని నా చేతిలో పెట్టుకుంటే…నా జీవితమంతా భద్రంగా ఉందన్న భావన కలుగుతుంది. నీవుంటే చాలు ,నాకు…

అక్షర కొరకుఅంశం :⁠- వసంత పంచమితేది:⁠- 23/01/2026శీర్షిక:⁠- అక్షర దేవత వసంతం వచ్చెను వేళలందుపసుపు వెలుగుల పల్లకి ఎక్కిఆవాల పొలాలు నవ్వులొలికించికోకిల గానం కరిగెను గగనంలోపంచమి పుణ్యదినం పలికెను మౌనంలో జ్ఞానదేవి అడుగుల చప్పుడిలావీణానాదం వాయించెను హృదయంలోఅక్షరాలే మంత్రాలై వెలిగెనుపసుపు వస్త్రాల పరిమళంలోసరస్వతి కరుణ కరిగెను భూమిపై అజ్ఞానాంధకారమంతా చెదిరివిద్య వెలుగులు విరియెను మనసులోచిన్నారుల చేతిలో పలికెను మొదటి అక్షరంతల్లిలా దీవించెను అమ్మ సరస్వతిశ్రద్ధే దీపం, భక్తే నూనెగా జ్ఞాన జ్యోతి నిలిచెను నిత్యంగావసంత పంచమి పండుగ కాదుమనసుకు వచ్చిన కొత్త పుటకోయిలమ్మ కుహూ కుహూస్వరము ప్రకృతి గీతము తుమ్మెదలు చేసే ఝుంకారముశారదమ్మకు అంకితమువికసించిన తామరపైఆసీనురాలైన మహా శ్వేతకరుణతో మన జీవితాలను తీర్చిదిద్దే అక్షర దేవతసరస్వతి కటాక్షముతోపొందుదాము మనం కీర్తి శిఖరముశారదా నీరద ప్రకాశితమైనఈ దినము అత్యంత పవిత్రము.. హామీ పత్రం :⁠- ఈ కవిత నా సొంతమని హామీ ఇస్తున్నాను..

మకరందాలు గ్రోలే గండు తుమ్మెద,,,,! ఈ అందాల ఆనందాల వెల్లువలోనీ మోము సుకుమార సౌందర్య రూపసివో,,,,,,తూర్పు సంధ్యాకాంతుల్లో పసుపు వర్ణం కన్నె పుష్పానివో,,,,,నీ నగుమోము సౌందర్యం చుట్టూ ప్రదక్షిణలు చేసే తుమ్మెద ఝుంకారాలు,,,,,,,,,ఈ పగళ్ళు ఈ రాత్రులు ఈ పూవులు ఈ వెన్నెలలు ఈ నునువెచ్చని సూర్యకాంతిఇవన్నీ నింపుకున్న అందాల సుందరీమణి పసుపు రంగు పులుముకున్న బంతిదా చేమంతిదా నీ మోము,,,,,,ఈ పగలు విరిసిన పసుపుపచ్చని నక్షత్రం కురిపించే మకరందాలు నీ మౌని మోము,,,,,,,నీ జతగా తిరుగాడే తుమ్మెద కళ్ళు తెరిచి నీ నిండైన హృదయం తేనె సముద్రం ఆస్వాదించడానికి ఈ తనువు చాలదు,,,,,అందుకే తుమ్మెదలన్నీ పాడుతున్నాయి ఏ గీత గీసినా నీ రూపమే ఏ చిత్రం వేసినా నీ రూపమే రంగవల్లి రచనా పూజితవో పసుపుపచ్చని చేమంతిబాల,,,,,,,,,!! అపరాజిత్సూర్యాపేట

తెలుగు సాహిత్యపు ఆధునిక వచన శైలీ నిర్మాతలలో అనంతకృష్ణశర్మ (జనవరి 23, 1893 - మార్చి 11, 1979) అగ్రేసరుడు. విమర్శనా రీతులలో వీరు మార్గదర్శకుడు. అన్నమాచార్యులు వారి కృతులను - కొన్ని వందల కృతులను - ఆయన స్వరపరచి తెలుగువారికి అందించాడు. వేమనపై సాధికారమైన విమర్శ గ్రంథాన్ని వెలువరించాడు. సంగీత సాహిత్యాలు రెండింటిలోనూ సమ స్కందులు. మైసూరు మహారాజా కళాశాలలో ముప్పైఎనిమిది సంవత్సరాలు అధ్యాపకత్వం నిర్వహించేరు. ఏకసంథాగ్రాహిగా పేరు పడినవాడు. జీవనకాలం: జనవరి 23, 1893 - మార్చి 11, 1979. తల్లిదండ్రులు: అలమేలు మంగమ్మ, కర్నమడకల కృష్ణమాచార్యులు. జన్మస్థలం: అనంతపురం జిల్లా, కంబదూరు మండలం రాళ్లపల్లె గ్రామం. తండ్రి వద్దనే సంస్కృతాంధ్ర భాషలలో ప్రావీణ్యత సంపాదించి, మైసూరు పరకాల మఠంలో ఉన్నత సంస్కృత విద్యను అభ్యసించాడు. ఆయన తల్లి అలివేలు మంగమ్మ సంగీత గురువులు. ఆమె సంస్కృతం, తెలుగు, కన్నడం, తమిళ భాషలలోని భజన కీర్తనలు, పెళ్ళి పాటలు,…

ప్రేమ త్యాగాన్నే కోరుకుంటే ఒకరికోసం ఒకరు రాజీపడి విడిపోవడమే.భగ్నప్రేమలో పెద్దలు ఇద్దరిలో ఒకరికి పెళ్ళిచేసి విడదీస్తే గుండెలు అవిశిపోయి కోలుకునే సరికి కొంత సమయం పడుతుంది.నిజమైన ప్రేమ దాంపత్యంలోనే ఒకరినొకరు అర్థం చేసుకుని పక్వమై ఫలించి పరిపూర్ణమై జీవితాలను ధన్యులను చేస్తుంది.అపరాజిత్సూర్యాపేట

గుండెలను పిండేసే మనోవ్యాకులత కూడదు,,,,,,! ఓ సొగసు పూల ఇంద్రజఏమిటి నీ చింత ? జాబిలి కూనఅహరహం శ్రమించిన దేదైనా ఫలించలేదా !?మనస్సు గూడు ఎంత వద్దనుకున్నా మాటవినట్లేదా ?ఆలోచనలతో సమరంలో అదుపుదప్పావా మనోహరిసమస్యల పరిష్కారంలో మనస్సును అదేపనిగా తిరుగతోడకూడదు,,,,,,సరియైన మెళకువలతో సమస్యలను ఛేదించాలి,,,,,ప్రేమ వైఫల్యం మనస్సును కకావికలం చేస్తుంది బేలనిన్ను నిన్నుగా గుర్తించని వాళ్ళతో ప్రేమలు తగదు,,,,,ఉడుకు రక్తంలో మనస్సుకు చిన్న గాయమైనా తీవ్రమైన వ్యాకులత సహజం,,,,,,,భయపడకు ఉరిమే మేఘాలన్నీ వర్షించవుప్రేమ వైఫల్యమే అయితే చూడు నీ చూట్టూర ఉన్న ప్రపంచంలో చాలా మంది యువతులు ప్రేమలు పెళ్ళిదాకా రాక ఊరడిల్లి ఓ మంచి మనిషిని మనువాడుతున్నారు,,,,,,,పూచిన పూవులన్నీ పడతుల జడలలో ఒదిగిపో నవసరం లేదు చాలా పూవులు అందాలు చిందిస్తూ ఆరాద్యుల హృదయాల్లో ఆహ్లాదం గొల్పుతున్నాయి,,,,,ఈ ప్రపంచం నిండా మనుషులు బండరాతి విగ్రహాలు నీవు గాజుబొమ్మవైతే ముక్కలువక్కలు చేస్తారు జాగ్రత్తరా జాబిలి కూన,,,,,,,, అపరాజిత్సూర్యాపేట

అక్షర ప్రేమలేఖల కొరకుఅంశం :⁠- చిత్రంతేది:⁠- 22/01/2026శీర్షిక:⁠- నీ అలక గగనంలో… ప్రియమైన నా ప్రాణానికి… ఈ చల్లని సాయంత్రం, సూర్యుడు మెల్లగా ఆకాశపు ఒడిలోకి జారుకుంటున్న వేళ, నా మనసులోని అలజడిని అక్షరాలుగా మార్చి నీకు పంపిస్తున్నాను.ప్రకృతి అంతా నిశ్శబ్దంగా ఉంది. కానీ, నా గుండెల్లో మాత్రం ఒక యుద్ధం జరుగుతోంది. ఆ యుద్ధానికి కారణం నీ కోపం కాదు , నీ అలక.అవును నీ అలక గగనంలో నేను చిక్కుకుపోయిన ఒక చిన్న పక్షిని. ఈ లేఖ నీ మౌనాన్ని వీడి, నీ చిరునవ్వును తిరిగి తెస్తుందని ఆశిస్తూ రాస్తున్నాను. నీ అలక గగనంలో నల్లని మేఘాలు కమ్ముకున్నప్పుడు, నా ప్రపంచమంతా చీకటిగా మారుతోంది. ఆ మేఘాలు కరిగి వానగా కురిసినా పర్వాలేదు. కానీ, ఈ నిశ్శబ్దపు ఉరుములు భరించడం నా వల్ల కావడం లేదు. నేను నిన్ను శాంతింపజేయడానికి మంచులా మారుతున్నాను. నీ కోపాన్ని కరిగించాలని పరితపిస్తోంది.…

అక్షర కొరకుఅంశం - ప్రేమలేఖ పోటీరచన - ఉమాదేవి ఎర్రం శీర్షిక - అమ్మకు ప్రేమలేఖ నా ప్రాణమైన అమ్మకు నమస్కరించి ప్రేమతో వ్రాస్తున్న లేఖ..అమ్మా! అసలు నువ్వు లేకుండా నేనెలా ఉంటానోఅనుకున్నా!కానీ నేనూ అమ్మనై పోయాను కదా! ఆ అమ్మ తనమేనువ్వు లేకపోయినా బ్రతికేలా చేసిందమ్మా!కానీ…ప్రతి విషయం లో నువ్వే ప్రతి క్షణమూ నువ్వే నామది లో!ఏ చిన్న బాధ కలిగినా అమ్మా! అనుకోవడమే! ఏ సంతోషకరమైన వార్త విన్నా అమ్మా అని తలుచుకోవడమే!అసలు అమ్మ లేకుండా ఇలా నేను బ్రతికి ఉండడమేఒక ఆశ్చర్యకరమైన విషయం..అమ్మా! ఈ జన్మకు ఇలా కానిచ్చినా వచ్చే జన్మ లో నైనా నన్ను వదిలి పోవద్దమ్మా! మళ్లీ నువ్వే నా అమ్మ వై పది కాలాలు నాతో ఉండేలా ఆ భగవంతున్ని వేడుకుంటా!మరి మరోజన్మకు మా అమ్మగా వస్తావు కదూ! నీ ముద్దుల గారాబాల కూతురు బుజ్జి...

నీవు చదివిన చదువులు గాని, విజ్ఞానం గాని,నీవు సుదీర్ఘ కాలం జీవితానుభావాలు గాని ఏవీ వృధాకావు నీవు చేసే పనులు, వ్యవహారాలలోకి నీకు తెలియకుండా బదలాయించబడి అద్భుతంగా చేసే విధంగా తోడ్పడతాయి.చేసే పనులు సులభతరం అవుతాయి.అపరాజిత్సూర్యాపేట