నవ్వు- నవ్వించు
నవ్వు- నవ్వించు ఉదయాన్నే నిద్ర లేచి టైం చూస్తే 8 గంటలు చూపుతుంది. గుండెల్లో రాయి పడినట్టయ్యింది. ఆఫీసుకు సమయానికి రాకపొతే ఛీఫ్ మేనేజర్ గారు తిట్టే తిట్లకు ఆత్మహత్య చేసుకోవడమే నయం అనిపిస్తుంది.. ఆ ఛండాలునికి చిన్న, పెద్దా, వయసు కూడా చూసి ఛావడు.. 10 గంటలకల్లా ఆఫీసులొ ఉండాలి. సిటీ ట్రాఫిక్ లో ఆఫీసును చేరుకోడానికి ఎంతలేదన్నా గంట పావు అవుతుంది.. అందులో ఇన్స్పెక్షన్ రోజులు.. ఇంత మొద్దు నిద్ర పోయినందుకు తన మీద తనకే చెప్పలేనంత కోపం వచ్చింది. గబ, గబా లేచి బాత్ రూమ్ కు వెళ్ళి బ్రష్ చేయడం, స్నానం చేయడం కానిచ్చేసి వంటిపై తడి ఆరకుండానే షర్ట్, ప్యాంట్ వేసుకుని ఏమేవ్! క్యారియర్ రెడీ చేసావా? అని కేకేసేను.. నా భార్య నుండి ఎటువంటి బదులు రాలేదు.. ఏంటా అని చూస్తే పూజగది లో పూజ చేస్తుంది. అర్ధమైంది. పూజగది లో ఉంటే…