rambabu writing – Aksharalipi

మాటల మంటలు మౌనాలు మలుపులు మనసుకు తాళాలు చిక్కుముడులు పీటముడులు బంధాలు అనుబంధాలు ఆట ముగుస్తుందని కన్నార్పలేము కనుల నీటిచెమ్మ ఆశకు నీటి చెలమ కలతలు కష్టాలు యుగళగీతాలు పలకరింపుల వానే ఎడారికోయిల ఎదమీటే రాగాలు ఎదపంచే మోహాలు ఎడబాటు ఆవేశాలు మనసుకు ఆదేశాలు కలలను మోసేవాడు కలతలు తీర్చుతాడు కాలం చెట్టుకు పాదులు తీయగలిగేవాడెవ్వడు - సి.యస్.రాంబాబు

తీరం శిశిరమైతేనేమి ఆకురాలినచోటే పూలు తలూపుతుంటాయి విప్పుకునే జ్ఞాపకాల వెనకే తప్పుకునే వ్యాపకాలుంటాయి తలపులను తడుముతుంటే మనసు తలుపులు తెరచి స్వాగతగీతాన్ని పాడుతుంది గతుకుల గతాన్ని పూడ్చమంటుంది పరుగులు తీసే కాలం కరవాలం కనుగొనాలని తాపత్రయపడతాం వేటుపడక మానదుకదా కాలంతో వేరుపడే ఆలోచనెందుకు మట్టిపరిమళం చుట్టేయాలంటే మట్టితో మమేకమవ్వాలిగా మమతలన్ని పెనవేస్తేనే మనుషులంతా అర్థమయ్యేది సుఖదుఖాలు రాగద్వేషాల వలయంలో శ్రుతిలయలు స్థిరంగా తిష్ఠవేసుకుంటే చీకట్లనుమోసే జీవితం తీరమెన్నడు చేరెనో ! - సి.యస్.రాంబాబు