ఒంటరి
ఒంటరి "నేనస్సలు వెళ్ళను. నాకసలు హాస్టల్ ఇష్టం లేదు."అంటూ అమ్మ దగ్గర మారం చేస్తున్నాడు పదేళ్ల వినయ్. "మరి నీకేమిష్టం?" అడిగింది తల్లి. "మరేమో నాకు నువ్వంటే ఇష్టం. నాన్నతో బజారుకు వెళ్లడం ఇష్టం. ఇంటి పక్కన ఫ్రెండ్స్ అందరితో క్రికెట్ ఆడుకోవడం ఇష్టం. నువ్వు అన్నం తినిపిస్తే ఇష్టం. చెల్లితో గొడవ పడడం ఇష్టం. మన జూలితో (పెంపుడు కుక్క) ఆడడం అంటే ఇష్టం. ఎక్వేరియంలో చేపలతో మాట్లాడడం ఇష్టం. నేను దగ్గరుండి నాటిన మొక్కలకు నీళ్లు పోయడం ఇష్టం. బాల్కనీలో కూర్చుని ఉయ్యాల ఊగుతూ ఆకాశంలో చుక్కలు చూడడం ఇష్టం. అమ్మమ్మ ఊరు అంటే ఇష్టం. మరేమో ఇంకా..." అంటూ ఆలోచిస్తూ ఏవో చెప్పబోతున్న కొడుకును వారించి "అలా అంటే ఎలా చిన్నోడా! నువ్వు హాస్టల్ కి వెళ్ళను అంటే ఎలా చెప్పు? మా ఆశలన్నీ నీ మీదే పెట్టుకున్నాం. నువ్వు హాస్టల్ కి వెళ్లి చక్కగా చదువుకోవాలి.…