అంతా అంతే!
అంతా అంతే! కాలంతో పాటు కాకినాడ మారినట్టే జ్ఞాపకాలూ మారిపోతాయి భావనారాయణుడి గుళ్ళో నిశ్చింతగా గూడు కట్టిన పక్షులు వరి కంకుల కోసం పోయి పోయి వరదలో చిక్కుకున్నట్టు - అంతా అంతే! వెక్కిరించాడంటే సమాజాన్ని వెంకటచలానిదా తప్పు! నేరేడు చెట్టు కింద పళ్ళేరుకుందికి పందెం వేసుకుని పరుగులు పెట్టిన కాలేజీ అమ్మాయిలు ఎందరో నవ్వులన్నీ ఇగిరి పోయి ఉప్పుమళ్ళై పేలిపోయి వంట రుచుల్లో కరిగిపోయారు. వెయ్యగా వెయ్యగా గులకరాళ్ళు నీళ్ళెప్పటికో పైకొస్తాయని వెతుకుతూ వెతుకుతూ వెర్రి కాకులమై ఎండ పడ్డ కలలతో ఎంత దాహంతో ఉన్నాం! ఏమై పోతున్నాం! మామిడి తోటలొదిలేసి ఇసక మేటలొదిలేసి ఓ అయ్య చేతిలో పెట్టి ఇల్లు కట్టుకోమన్నారని కదా ఇంత దూరాలొచ్చేసాం ఏం చేస్తున్నారంటే పిల్లలతో గిన్నెలతో మారు మాత్రం ఏం చెప్తార్లెండి! మన ఆశలు కాలవగట్టు పొలాలు కావుగా ఏటి పొడవుతా పచ్చగా ఏదో ఒకటి పండటానికి! మరెలాగంటే చెప్పలేం. పొడుపు కథలు…