ఖర్మ
ఖర్మ నేనంటే నీకెందుకంత కోపం? నేనేం చేశాను అని కొప్పడతావు? నిన్ను నేనేమన్నా అని తిడతావు? ప్రతి సారి తప్పు నాదే అన్నట్టుగా అందరి ముందు తిడతావు, ఎన్నెన్నో మాటలు అంటావు, అసలు ఏమైంది అని కూడా అడగవు. ఎవరేం చెప్పినా నమ్ముతావు కానీ నా మాట మాత్రం నమ్మవు. నువ్వన్న ఒక్కొక్క మాట నా గుండెల్లో మంటలు రేపుతుంటే, ఆందరి ముందు అవమానంగా అనిపిస్తున్నా, నిన్ను ఏమీ అనలేని స్థితిలో ఉన్నాను నేను. అందుకే కదు నీ గొంతు చించుకుని మరీ నన్ను అన్నన్ని మాటలంటావు. నేను మాట్లాడ లేననే కదా నీకు అంత పొగరు. ఏం పాపం చేశానని దేవుడు నాకిలా శిక్ష వేశాడో, అసలు ఇలాంటి బతుకు ఒక బతుకేనా? ఎన్ని సార్లు నాకు నేనే చావలని అనుకున్నా కూడా ధైర్యం చాల లేదు. అయినా నేనెందుకు చావాలి అనుకున్నా, నాకు బతికే అర్హత లేదా అని…