బంధం
బంధం మనిషి ,మనిషికి మధ్య వుండేది కాదు. మనసు మనసుతో కలుపునేది. మనసు, మనసును కలిపేది, సహజమైన మనసుకు, సహజంగా ముడిపడేది. నా అనే ఆలోచన నుంచి, మన అనే భావన కలిగించేది. "బంధం" - బి రాధిక
బంధం
బంధం బంధం ఆప్యాయతల హరివిల్లు బంధం... మమతలకు నిలయం బంధం... ఏ బంధానికి అయినా ఆధారం నమ్మకం... ఉమ్మడి కుటుంబాలకి మొదటిమెట్టు బంధం... ఉమ్మడికుటుంబాలకు వ్యష్టి కుటుంబాలకు నెలవు బంధం... ఆ నమ్మకం ఎంత బలంగా ఉంటే బంధం అంత దృఢంగా ఉంటుంది... ఏ బంధాన్ని అయినా అస్థిర పరచేది ఓ చిన్న అపనమ్మకం... ఏ బంధం అయినా బలంగా పరిపుష్టిగా ఉండాలంటే అపనమ్మకాలకీ అపార్థాలకీ తావుండకూడదు... ఉమ్మడి కుటుంబాల్లో పెరిగిన వారికి ఎక్కువగా బంధాల విలువ తెలుస్తుంది... ఏ బంధాన్ని అయిన నిలబెట్టుకునేలా ప్రవర్తన నిర్దేశిస్తుంది... ఆ ప్రవర్తన సరైన క్రమంలో ఉంటే బంధం కూడా బలంగా ఉంటుంది... - గోగుల నారాయణ
బంధం
బంధం సృష్టిలో ప్రతీ ప్రాణికి ఏదో రూపంలో, ఎవరితో ఒకరితో బంధం ఏర్పడుతుంది. అన్ని ప్రాణులకన్నా, మానవ జన్మకు ఎక్కువ బంధాలు కలిగి వున్నాయి. మనిషి ప్రకృతితో, పశువులతో, పక్షులతో, మనుషులతో, జంతువులతో, జలచరాలతో కూడా బంధం ఏర్పరచుకున్నాడు. కానీ, మనిషికి అంత్యంత అమూల్యమైన బంధమైన తనతో తాను బంధం చేసుకోవడంలో నేటి మానవుడు విఫలమవుతున్నాడు. మనిషిగా అన్నీ బంధాలతో అన్యోన్యంగా వుండే ముందు, తన అంతరంగంతో, తన ఆత్మతో బంధం ఏర్పరచుకోవాలి. అప్పుడే, మానవుడు ఎన్ని బంధాలనైనా కలుపోగలుగుతాడు. కలిసి జీవించగలుగుతాడు. స్వార్ధానికి చోటు లేని, త్యాగానికి చిరునామాగా నిలిచి, వాస్తవంలో బతకాలనే ఆలోచనలతో, పరిస్థితులను సానుకూల దృక్పథంతో తీసుకునే బాధ్యత గలిన వ్యక్తులు, తనతో తాను బంధం కలిగిన మనసున్న మనుషులు తృప్తికరమైన జీవితాన్ని ఆస్వాదిస్తారు. -బి రాధిక
బంధం
బంధం స్తబ్దత నిండిన మనసుని సైతం శృతిలయల సంగమంగా మార్చగలిగేది ప్రపంచం అంతా ఏకమై , నిన్ను అపహాస్యం చేసినా నీకై నీకోసమై ప్రతిఘటించగలిగేది పగవాళ్ళ చురకత్తి లాంటి మాటలను సైతం తన మాటలతో నీకు ఉపశమనం కలిగించేది నీకన్నా నీగురించి ఎక్కువగా ఆలోచించి ఎక్కువగా ప్రేమ చూపించగలిగేది బంధం చాలా ముఖ్యమైంది, అమూల్యమైనది, అనిర్వచనీయమైనది బంధం నిలుపుకోవడానికి ఎన్ని కష్టాలు వచ్చినా వెనకడుగు వేయకు బంధాలను బంధంతో బంధించు.. -హిమ