bharadwaj

డిటెక్టివ్ ఎపిసోడ్ 3 ప్యాంట్ జేబులో చేయిపెట్టుకుని నడుస్తున్నాడు సిద్దార్థ. హైద్రాబాద్ అతనికి కొత్తగా కనిపిస్తోంది. ఒక్క సంవత్సరంలోనే ఎంతో మారినట్టు అనిపిస్తోంది. మెట్రో రైలు పైనుంచి వెళ్తుంటే చూడ్డం బావుంది. స్కూల్ పిల్లలు యుద్ధానికి వెళ్తున్నట్టు వీపున పుస్తకాల బ్యాగు మోస్తూ వెళ్తున్నారు... ఇంకా సూర్యుడు తన ప్రతాపాన్ని మొదలుపెట్టలేదు. ఓ మూలమలుపు తిరిగాడు.. ఇంకా తాను ఎదురుచూస్తోన్న సంఘటన ఎదురవ్వలేదు. తన అంచనా ప్రకారం ఈపాటికి రియాక్షన్ ఆక్షన్ లోకి వచ్చి ఉండాలి. రాత్రి జరిగిన సంఘటన గుర్తొచ్చింది. తాను క్యాబ్ డ్రైవర్ జేమ్స్ ను కాపాడి.... గోడౌన్ లో రౌడీలను చితక్కొట్టాక జేమ్స్ ను పంపించి రోడ్డు మీద నడుస్తున్నప్పుడు కొందరు అగాంతకులు తన మీద ఎటాక్ చేయడం గుర్తొచ్చింది. తను పరుగెడుతున్నాడు.. ఆ ఏరియా లో వున్న సిసి కెమెరాలకు తన పేస్ కనిపించేలా పరుగెడుతున్నాడు..... తనకు వాళ్లకు మధ్య ఛేజింగ్... వాళ్ళు కత్తులతో వెంబడించారు...…

డిటెక్టివ్ ఎపిసోడ్ 2 బేవకూఫ్.. నీకళ్ళకు మేమెలా కనిపిస్తున్నాం? కోపంగా అన్నాడా వ్యక్తి "బేవకూఫ్స్ లానే కనిపిస్తున్నారా" అనాలనుకుని అంటే మళ్ళీ చెంప చెళ్లుమనిపిస్తారని డౌటొచ్చి ఆ ప్రయత్నమే విరమించుకుని "చెంప రుద్దుకుంటూ" పానీపూరి గురించి అతడడిగితే నన్నెందుకు కొడతారు? వెళ్లి ఆయన్ని కొట్టండీ..." ఉక్రోషంగా అన్నాడు. "నిన్ను కొట్టిందికి అందుక్కాదు" ఆ నలుగురు ఒకేసారి అన్నారు. "మరి టైం పాస్ కోసం కొట్టారా? కోపంగా అడిగాడు జేమ్స్ "నేను చెబుతాను భయ్యా" అని వినిపించింది. ఆ నలుగురితో పాటు జేమ్స్ కూడా ఆ మాటలు వినిపించిన వైపు చూసారు. ఒక్కసారిగా ఎవరో ఆ గోడౌన్ షట్టర్ పైకెత్తినట్టు బయట నుంచి వెలుతురు లోనికి వచ్చింది.. ఆ వెలుతురులో ఓ మనిషి నీడ కనిపిస్తుంది. తర్వాత షట్టర్ వేసిన చప్పుడు. "ఎవరూ.... కౌన్ హై ? ఆ నలుగురు అగంతకుల్లో ఒకడడిగాడు 'తెలుగులో చెప్పాలా? హిందీలో చెప్పాలా?" అంటూ ఆ వెలుతురులో…

డిటెక్టివ్ ఎపిసోడ్ 1 శంషాబాద్ ఇంటర్నేషనల్ ఎయిర్ పోర్టు. సమయం రాత్రి 7-30.. సాయంత్రం 5.15 నిమిషాలకు ఢిల్లీ నుండి హైదరాబాద్ బయలుదేరిన ఎయిర్ ఇండియా విమానం రెండుగంటల ప్రయాణానంతరం రాత్రి 7.30 నిమిషాలకు శంషాబాద్ లో లాండ్ అయింది. విదేశాలకు వెళ్ళేవాళ్ళు.. స్వదేశానికి తిరిగివచ్చేవాళ్ళు... ఇతర రాష్ట్రాల నుంచి వచ్చే వాళ్ళు... ఉద్యోగాల కోసం.. సినిమా షూటింగ్స్ కోసం... వ్యాపారం కోసం.. తమ వాళ్ళ కోసం... ఇలా ప్రయాణీకులను ఆకాశమార్గంలో తీసుకువెళ్లే, తీసుకువచ్చే ఎయిర్ పోర్టులోకి... అప్పుడే ఒక వ్యక్తి వచ్చాడు. ఢిల్లీ నుంచి హైద్రాబాద్ వచ్చిన ఆ యువకుడు ఎలాంటి లగేజీ లేకుండా చేతులూపుకుంటూ అప్పుడప్పుడు చేతులు ప్యాంటు జేబులో పెట్టుకుంటూ తనలో తనే పాటను హమ్ చేసుకుంటూ బయటకు వచ్చాడు. తనవైపే వస్తోన్న క్యాబ్ ను చూసి విజిలేసాడు. అది గమనించిన ఒక జంట విస్తుపోయింది. చూడ్డానికి హీరోలా వున్నాడు.. ఈ జులాయి పనులేమిటా అన్నట్టు చూసింది…