తరాల అంతరాలు
తరాల అంతరాలు కాలం మారుతుంది అంటాం... కాలంతోపాటు మారాలని వింటుంటాం.. అయితే ఈ మార్పు ఎలాంటిదై ఉండాలి? ఎంతవరకు మారాలి? అనేది ఎవరి స్థాయినిబట్టి వారు, ఎవరి ఇష్టాలని బట్టి వారు నిర్ణయించుకుంటున్నాం. మరీ ముఖ్యంగా నేటి తల్లిదండ్రులు ఆనాడు వారికి దొరకని వాటిని నేడు వారి పిల్లలకి అందివ్వాలనే ఆకాంక్షలో హద్దులు మీరి అందిస్తూ... యాతన పడుతూనే చివరకు చింతిస్తూనే ఉన్నారు. ఐనా మార్పు రావట్లేదు. ఒకప్పుడు పెంపకంలో అమ్మమ్మా తాతయ్య, నాన్నమ్మ తాతయ్య, అత్తలు, మామయ్యలు, బావామరదళ్ళు కలిసి పంచే ప్రేమాప్యాయతలుండేవి. ఉమ్మడి కుటుంబాలుగా ఉండడం వలన బంధుత్వాల విలువ తెలిసేది. ఒక్కో తల్లికి పది మంది వరకు సంతానం ఉండడం వలన, అన్నీ చిన్నస్థాయీ, మధ్యతరగతి కుటుంబాలు కనుక ఆనాటి పెంపకాలలో మితిమీరిన ముద్దుచేయడాలు ఉండేవి కావు. రెక్కలొచ్చాక పక్షికి ఎగరడం నేర్పి తన ఆహారం తనే సంపాదించుకోవాలని నేర్పే పక్షుల్లా చిన్నతనం నుండీ ఆటపాటలతోపాటు ఆలనాపాలనాలో…