c s rambabu

జ్ఞాన సముద్రుడు - కథానిక జిహ్వకో రుచి, పుర్రెకో బుద్ధి అన్నట్టు సీతారాముడికి హైదరాబాద్ మహానగరంలో ఆటో డ్రైవర్ లను విచారించటం ఇష్టం. విచారించటమంటే పోలీసు విచారణ కాదు. క్షేమసమాచారాలు కనుక్కోవడం. అనంతరం తన జ్ఞానాన్ని పంచడం అతని అలవాటు.. పొదుపు చేయటం నుంచి గుట్కా మానివేయటం వరకు చిట్కాలు చిటికెలో చెబుతుంటాడు. ఆ విధంగా ఆతని జ్ఞాన సముద్రం అంతులేనిది. ఇది తెలిసిన వాళ్లెవ్వరూ ఈదే ప్రయత్నం చెయ్యరు. ఇవాళ సీతారాముడు కవాడిగూడాలో ఆటో ఎక్కాడు, సికింద్రాబాద్ లోని సోదరుడింటికి వెళదామని. యథాప్రకారం చిత్రగుప్తుడిలా తన జ్ఞానచిట్టా తీశాడు. ఆలోపలే ఆ డ్రైవర్ అందుకున్నాడు. "సార్..గూగుల్ పే చేయండి సర్ క్యాష్ తీసుకోను.." సీతారాముడు కంగు తిన్నాడు. "ఎందుకని " "ఏం లేదు సార్, చిల్లరుండదు" "గూగుల్ పే అయితే అకౌంట్ లో పడిపోతుంది" "ఇంతకీ అకౌంట్ ఎవరిది" "ఇద్దరి పేరునున్నది సార్. జాయింట్ అకౌంట్ అన్నట్లు." సీతారాముడు ఆత్మ…