tirumala geethavali by c s rambabu

తిరుమల గీతావళి పల్లవి ఎంతగ వేడితే అంతటి కరుణను చూపేవాడవు నీవు నమ్మకముంటే దారిని చూపే స్వామివి నీవే కాదా చరణం బాటను విడచి బాధ్యత మరచి ఐహిక సుఖమే ఒకటే చాలని తలచితిమయ్యా తప్పేనయ్యా తప్పదు నీకు మార్గము చూపగ చరణం తనివేతీరదు ఆకలి ఉండదు నిను దర్శించిన మాకు నీ నామముతో బతుకే మారును నీ చిరునవ్వును ఎదలో నింపి సాగెదమయ్యా మేము చరణం బంధాలన్నీ ఛేదించుకుని నిను వెతికెదము మేము సాయము చేసి మార్గము చూపి కరుణించవయా స్వామి - సీ.యస్.రాంబాబు

తిరుమల గీతావళి పల్లవి నీ చరణములే కోరితిమయ్యా నీ శరణమునే వేడితిమయ్యా మా వేదనయే తెలిసిన నీవు మార్గము చూపి కాపాడవయా చరణం నిను చూసినచో అలుపేలేదు నీ తలపొకటే చాలును మాకు అది కలిగించును ఎంతో హాయి మా నీడవు నీవే అండవు నీవే చరణం ఏడుకొండలను చూసినచాలు బతుకే మారును ఆ వేడుకతోటి కలియుగమందున అంతా మాయే నీ చూపొకటే సత్యము స్వామీ చరణం కాలినడకన నిను చేరాలని కోరిక కలిగెను తీర్చవ స్వామీ తప్పులు ఎన్నో చేసిన మాకు నిను దర్శించుటయే విరుగుడు స్వామీ చరణం కలలోనైనా కనిపించవయా మనసుకు కలుగును ఎంతో శాంతి గోవిందాయని పిలిచెదమయ్యా మా గుండెలలో నిలవాలనుచు - సి. యస్ రాంబాబు