ప్రకృతి కాంత
ప్రకృతి కాంత పచ్చని పరువాలను చుట్టుకున్న ప్రకృతి కాంత మార్గశిరం రాకతో వణుకుతూ గజగజల చలిగాలి చల్లని మలయమారుతంలా విసరుతూ ప్రజని ఉలిక్కిపడేలా చేస్తుంది గడగడలతో... ఆ పచ్చని పరువాలకి అలంకారంలా రేయంతా మంచుబిందువులు అల్లుకుంటే చూసే కనుదోయికి తెలియని ఆనందం నింపుతూ వెన్నెల కాంతిలో తళుకులీనుతుంది నిశీధి రేయిలో తాకగా ఝల్లున మదిని తడుతుంది ఉషోదయాన నునువెచ్చని కిరణాలు ప్రసిస్తూ భానుడు ఉదయిస్తుంటే ఆ కిరణాల తాకిడికి మరింత ప్రకాశింపచేస్తూ ఆనందం పంచుతాయి వేడెక్కిన సూర్యకిరణాలు తాకగానే జర్రున జారిపోతుంది తామరాకుపై బిందువులా మంచు దుప్పటిని తొలగించుకున్న ప్రకృతికాంత - ఉమామహేశ్వరి యాళ్ళ