జంట
జంట 1) ఆ.వె. సంధ్యవేళ యందు సంద్రమందు పడవ ఊసుపోక జంట ఊసులాడ ఆకసమున తారలన్ని మెరిసిపోగ ముద్దు లాడు జంట మురిసి పోయె - కోటా
వరద బాధలు
వరద బాధలు 1) వదలకుండ వాన వరదలై పొంగెను వాహనములు తేలె వరదలోన బురదచేరి సరుకు పనికి రాకుండాయె ధైర్యమిచ్చువారు దరికిరారు 2) ఇంటనీరుచేరి ఇక్కట్లు మొదలాయె ఉప్పు పప్పు తడిసి ఊటలూరె ధాన్యమున్నయింట తడిసి మొక్కలు వచ్చె బిక్కచచ్చిరైతు బిచ్చమెత్తె 3) మురికి వాడలన్ని మూసినదాయెను హైద్రబాదు జనులు ఆగమయిరి చెరువులయ్యె యింటి సెల్లారులన్నియు కార్లు బురదవల్ల కదలవాయె 4) చెరువులు దెగిపోయె చేలన్నిమునిగెను బాటలన్నికరిగి బాధ కలిగె వాహనములు పోయె వాటితో మనుషులు మురికి కాల్వలందు మునిగి చచ్చె 5) లంకలాయె కొంపలన్ని నీటమునిగి అడుగు బయట పెట్ట నలవిగాదు కూడువండరాదు కుడువ వీలుగాదు కారుచీకటి కెటు కదలరాదు 6) పల్లె పట్నమంటు పట్టింపు లేకుండ ఊరువాడలన్ని ఒక్కటాయె దారులన్నిజలతారు రోడ్లాయెను ఎత్తు…
ఉపాధ్యాయుడు అంటే
ఉపాధ్యాయుడు అంటే 1) బ్రహ్మ విష్ణు ఈశ బహు రూపు లు గురువు విశ్వ మంత నిండి విశదపరచు గురువు గొప్పదనము గుర్తెరింగిననాడు మానవాళి పొందుమహితసుఖము 2) వృత్తి ధర్మ మొకటి.భుక్తిధర్మమొకటి ఇరుగుపొరుగు వారు యిష్టపడగ అన్ని ధర్మ ములను అలవోకపాటించు మనసు నెరిగిమసలు మంచి గురువు 3) ప్రశ్న వేయు నేర్పు పసివార్కినేర్పాలి ప్రశ్న వల్ల మంచిఫలితముండు ఎందుకెప్పుడెట్లు ఏమిటీ దేనికీ? గురువు వల్ల ప్ర శ్నగుట్టుదెలియు 4) పిన్నవారినైనప్రేమతోపిలుచుచూ శుద్ధమాటచెప్పిబుద్ధిమార్చు గగనమంతకీర్తి.గర్వమేలేకుండు నట్టి తల్లి సమము ఆదిగురువు 5) బాధ్యతెరుగకుండ బడి యందు గురువులు గంట కొట్టు వరకు గడుపువారు తనకు చెప్పరాక తప్పించుకోజూచు బాధ గురువు వల్ల బోధకల్ల - కోట
వైద్యులకు వందనాలు
వైద్యులకు వందనాలు ప్రాణభయము చేత పాలించి రక్షించు దేవుడెవ్వరంటు దేవులాడ మేము ఉన్నమంటు మెప్పించిన ట్టియీ వైద్య బృందమునకు వందనములు ఎంతబాధనైన వింతగా పోగొట్టి కన్నతల్లి వోలె కరుణ జూపి తగినమందులిచ్చి తగ్గించె బాధలు వైద్యులార మీకు వందనములు హృదయపూర్వకముగ ఉద్యోగము ను కోరి కొలువునందు జేరి కోర్కె దీర పరులసేవలందు ప్రాణాలు విడిచిన వైద్యులార మీకు వందనములు - కోట
లంచగొండితనం (అవినీతి)
లంచగొండితనం (అవినీతి) 1) లంచమిచ్చుకుంటె లక్షణంబుగ పోస్టు వచ్చి తీరుతుంది నచ్చినట్లు ప్రతిభ గలిగి యున్న పనికి రాడు బీద నెహ్రూ కలలుగన్న నేలయందు 2) బడుగు జీవులెన్ని బలియైన సర్కారు సొమ్ముకమ్ముడయ్యి కొమ్ముకాయు లంచమిచ్చుకుంటె మంచియౌ దోషాలు కేసువీగిపోవు కాసువలన 3) వంద మార్కులొచ్చి వాజమ్మగా నిలిచె సగము మార్కులొచ్చిచవట గెలిచె ప్రతిభ ఉన్నవాన్ని పట్టిచంపుచునుండె లంచమివ్వకుంటె వంచనాయె 4) అర్థమందు ఆశ అన్నివిధాలుగా నరుని పాతరేసి నష్టపరచు లంచగొండితనము లాంచనమయ్యేను కవుల గోసగాదు కంఠశోష 5) ఏ ప్రభుత్వమైన నెంతకాలముండు అంతమగు నధర్మ మధికమైన ప్రజలు ఎదురుతిరిగి పట్టుబట్టిననాడు ఘడియలోన రాజు గద్దెదిగును - కోట
మారిన (మారుతున్న) విలువలు
మారిన (మారుతున్న) విలువలు 1) పదవి లేనినాడు పస్తులున్న చరిత కొద్దికాల పదవి.కోటి ఆస్తి ఆక్రమించి భూమి హత్యలు.దాడులు విలువ మారుచుండె విశ్వమందు 2) పదవి దక్కుకొరకు పార్టీల వారిగా ఉచిత మాటలెన్నొ ఉగ్గడించు కలరు టీవి.రైసు.కరెంటు ఉచితమే విలువ మారిపోయె విశదముగను 3) మామగార్లవంటి మంత్రి వర్యులయండ టెండరేసి.పనులనెండజేసి కోట్లకొలది ధనము కొల్లగొట్టుటె నీతి విలువ మారిపోయె విశదముగను 4) పెద్ద నేరగాళ్ళు పేదోళ్ళ నిరికించి నీతిమంతులమని నిక్కి తిరుగు చట్టమందు లొసుగు.చుట్టాలు వారికి విలువ మారిపోయె విశదముగను 5) రాజకీయమందు రాణించ బంధువు నీతి.నియమములను నీటగలుపు టోలుగేటడిగితె తోలు తీసిరిగదా రాజకీయమెంత రాక్షసంబు? 6) ఆస్తిపన్ను కట్టు.ఆదాయమింతని చిన్న బతుకులందు చిచ్చుపెట్టు పెద్ద నేరగాళ్ళ పేరైన చెప్పరు రాజకీయమెంత రాక్షసంబు? -…
తోడు నీడ
తోడు నీడ జంట యెప్పుడైన జట్టువీడగరాదు కలిసి మెలిసి యున్న కలదు సుఖము కలలు గన్నరీతి కలుగు సంతానమ్ము సంతు బాగుపడిన సంతసంబు ఆడ మగ ఇరువురు అంతరాలే లేక కంటిపాప లాగ కలిసి యుండి కాపురమ్ము గుట్టు కాపాడుకోవాలి ఇరుగు పొరుగు వారు ఇష్టపడగ భర్త కష్టమెరిగి భార్య నడచుకుంటె భంగపాటు లేక భవిత యుండు గొడవ జేసి.అలిగి.గొంతెమ్మ కోర్కెలు తీర్చుమనెడి యాలి దిష్టిబొమ్మ - కోట