prema lekhala poti

సామ్రాజ్యం ప్రేమలేఖ ప్రేమలేఖ రాయడం చాలా క్లిష్టమైన ప్రక్రియ. పాత కాలంలో ప్రేయసీ, ప్రియులు తమ మనసు మరొకరికి తెలియచేసేందుకు ఇదొక్కటే సాధనం. అన్ని ప్రేమలేఖలు సినిమాల్లో చూపించినట్లు సాహిత్యంతో ఉంటాయని చెప్పలేం. తెలిసీ తెలియని వయసులో ఆకర్షణను ప్రేమగా భావించి రాసే లేఖలు కొన్ని రాసే వారి అమాయకత్వాన్ని తెలియచేస్తే, కొన్ని లేఖలు హాస్యాన్ని పండిస్తాయి. అలాంటిదే మా సామ్రాజ్యం ప్రేమలేఖ. దాదాపు పాతికేళ్లకు ముందు నేను ఎనిమిదో తరగతిలో ఉన్నప్పటిది ఈ సంఘటన. మేమంతా మా పల్లెటూరినుంచి పక్కనే ఉండే పట్టణానికి వెళ్లి చదువుకునే వాళ్లం. పొద్దున్నే అమ్మాయిలు, అబ్బాయిలు అంతా ఒక ఇరవైమంది మా ఊరి నుంచి వెళ్లే ఒకే ఒక బస్సులో వెళ్లి సాయంత్రం తిరిగి వచ్చేవాళ్ళం. మా గుంపులో సామ్రాజ్యం మాకన్నా ఒకటి రెండేళ్లు పెద్దది. తను పదో తరగతిలో ఉండేది. తన చిన్నతనంలోనే వాళ్ళ నాన్నగారు చనిపోవడంతో వాళ్ల అమ్మ పొలం పనులు…