Month: July 2022

నా బుజ్జి

నా బుజ్జి నేనెవరో...... నీకు ఎరుక లేదే ...! ఓ, నా బుజ్జి...........! నేను వెచ్చని సూర్యకిరణాన్నయ్ నిన్ను తాకి సుర్రుమనిపిస్తా.....! నీవు ఆనంద డోలికల్లో పిండి పదార్థాలు వండుకునెదవే ఓ, నా బంగారు తల్లి.....! చల్లని గాలినై నీకు చామరలు పట్టేదనే. నీ ఉక్క పోత హడలి పారిపోవునే ఓ, నా లేత మొక్క........! వర్షపు చినుకునై నిను ముద్దాడుదునే. నీకు పరిమళాలతో ముఖమజ్జనమే నే ....! ఓ, నా చిట్టి దళమా.....! నిన్ను కదలనీకుండా ఒడిసి పట్టుకుంటా భూమాత వలె. తల్లి ప్రేమ దక్కునే నీకు ఓ, నా వజ్రపుమూట ...! నీ, అవసరం ఏట్లో అట్లే ఎత్తెద నా అవతారము. నేనెవరో నీకు ఎరుక లేదే...! ఓ, నా బుజ్జి...........! - వాసు
Read More

తీరని గోస

తీరని గోస మేఘాల ఘర్జన ధారాళంగా వానలు తీరని జనాల గోసలు పొంగుతున్న వాగులు వంకలు పోర్లే వరదలు నిండా ముంచిన అధికవానలు గంగమ్మ పరవళ్లు అన్నదాతల అగచాట్లు రవాణాకి అంతరాయం దారులన్నీ గోదారులై అవస్థలు తప్పవు అందరికి ఆందోళన చెందినా ఆగవు అవకతవకలు చికాకు పెట్టే వానల్లో బడిగోస తిండి గోస గూడుగోస నీడగోస రోడ్ల గోస పనుల గోస పంట గోస ప్రయాణాల గోస ఉద్యోగుల గోస కూలీల గోస కష్ట నష్టాల గోస అన్నీ కలిపితే జనం గోస సందట్లో సడేమియా వలె రాజకీయాలగోస ఆరాటమే కాని చేసేది ఏమీ లేక బ్రతుకు గోస ......? - జి జయ
Read More

జనగోస

జనగోస దిగులు పడిన ఆకాశం శోకధారలా ఉంది వాన చినుకై నేలను ముంచేసింది ఎటుచూసినా నీటి బీభత్సమే ఎక్కడయ్యా భానుడా నీకోసం జగతి ఎదురుచూపుల అమ్మలా మారి బిడ్డా నువ్వెక్కడంటోంది ఉగ్రరూపమై ఏరులు రుద్రమ్మలై నీటిఖడ్గాలను దూస్తుంటే పోటెత్తుతూ నదులు జనజీవనంపై జలప్రళయంతో విలయతాండవమాడుతున్నాయి వానొచ్చినా దుఃఖమే రాకున్నా దుఃఖమే రైతుకు అన్న నానుడి లిఖించాడేమో విధాత అన్నదాతకు ఆరనిమంటైందీ వాన సూరీడా..మారేడా.. నువ్వలిగితే గుండె పగిలేనిక్కడ నిక్కమైన సత్యమే నీవు దయచూపి వెలుగివ్వు జనగోస వినవయ్య భానుడా..రావయ్య మా దేవుడా.. - సి. యస్. రాంబాబు
Read More

తీరం చేరని అల

తీరం చేరని అల ఆలోచనల్లా కదిలే మేఘాలు ఎక్కడో వర్షించి భారాన్ని దింపుకుంటాయి బాధ్యత లేని ఆలోచనల భారమే మనిషిని కలవరపెడుతుంటుంది వర్షించే మేఘం ఆహ్లాదమూ కావచ్చు ఆవేశమై రావొచ్చు వర్షించే కళ్ళకు బాధొక్కటే తెలుసు దిగులు కప్పుకున్న ఆకాశం వానతో తెరిపిన పడుతుంది దిగులు నిండిన మనసేమో మాటరాని మౌనమై మిగులుతుంది మేఘాల దిగులంతా తాత్కాలికం మళ్ళీ చెంగుమంటూ కదిలిపోతాయి దిగులు మనిషి మాత్రం తీరం చేరని అలలా మిగిలిపోతాడు - సి.యస్.రాంబాబు
Read More

ఉపాధ్యాయుడు అంటే

ఉపాధ్యాయుడు అంటే 1) బ్రహ్మ విష్ణు ఈశ బహు రూపు లు గురువు    విశ్వ మంత నిండి విశదపరచు    గురువు గొప్పదనము గుర్తెరింగిననాడు    మానవాళి పొందుమహితసుఖము 2) వృత్తి ధర్మ మొకటి.భుక్తిధర్మమొకటి    ఇరుగుపొరుగు వారు యిష్టపడగ    అన్ని ధర్మ ములను అలవోకపాటించు    మనసు నెరిగిమసలు మంచి గురువు 3) ప్రశ్న వేయు నేర్పు పసివార్కినేర్పాలి    ప్రశ్న వల్ల మంచిఫలితముండు    ఎందుకెప్పుడెట్లు ఏమిటీ దేనికీ?    గురువు వల్ల ప్ర శ్నగుట్టుదెలియు 4) పిన్నవారినైనప్రేమతోపిలుచుచూ    శుద్ధమాటచెప్పిబుద్ధిమార్చు    గగనమంతకీర్తి.గర్వమేలేకుండు    నట్టి తల్లి సమము ఆదిగురువు 5) బాధ్యతెరుగకుండ బడి యందు గురువులు    గంట కొట్టు వరకు గడుపువారు    తనకు చెప్పరాక తప్పించుకోజూచు    బాధ గురువు వల్ల బోధకల్ల - కోట
Read More

మురిసే ప్రేమ

మురిసే ప్రేమ (అంశం:ముసిరే చీకట్లు, సన్నని తుంపర ,అతను నడుస్తున్నాడు ,ఎందుకు ? దేనికోసం) *** ముసిరే చీకట్లు, రేపే, మురిసే ప్రేమ కోసం సన్నని తుంపరకు మనసు తడపడ అతను నడుస్తున్నాడు ,ఒంటరిగా అందుకే, దాని కోసమే అదే, తోడుకోసం ఆలోచనలతో సాగుతోంది నడక ఒక చెప్పుతో నడక సాగదు కదా! తోడు లేనిదే అది జోడు కాదుకదా! భూమిమీద వున్న ప్రతి జీవికి అది అవసరం దానికి మించిన ఆనందం సృష్టిలో ఏముందనుకొని. తోడు లేని జీవితం ఎవడూ కోరుకోడు భవిష్యత్తుకై వెతుక్కుంటూ సాగుతోంది వాని నడక తోడు, నీడ,కూడు గుడ్డ వీటికోసమేగా మనిషి ఆరాటం ఆ ముసిరే,ఆలోచనలలో, మెరిసే భవిష్యత్తు అన్వేషణలో,దానికోసమే వాని తడపడుతున్న నడక - రమణ బొమ్మకంటి
Read More

వర్షంలో కష్టజీవుల

వర్షంలో కష్టజీవుల ఇంటిబయిటకు వెళ్ళలేరు ఇంటిలోనే ఉండలేరు కాయకష్టం చేస్తే గానికడుపు నిండని బాధ జీవులు బోధ పడని వర్షమేమో జల్లు డల్లుగా కురుస్తుంటే ఇంటిలోని పిల్ల జల్లా కడుపునిండా తిండి దొరకదు చేతినిండా పనులు లేక చేసేదేమీ లేక ఆగవయ్యా వానదేవుడ అని ఎదురుచూతురు ఘడియైనా ఆగకుండా గడియారపు జీవితాలకు ఆకలే కాని ఆటవిడుపు తెలియదు సామాన్యుల వెతలు అన్ని ఇన్ని కావు కదా జడివానతో అస్తవ్యస్తపు దారులాయే జన జీవనం కష్టమాయే అధికవర్షంఅడ్డంకి ఆయె మేఘానికి సందేశం నీలాల నింగిలోనె నీ పరుగు ఆపవయ్యా వరుణ దేవా.......? - జి జయ
Read More

ఎవరతను

ఎవరతను దేవాలయాలకై దేెశయాత్ర చేస్తాడతను దేహమే దేవాలయమంటే ఒప్పుకోడు! అద్వైతమే తన మతమంటాడు తనలోనే పరమాత్మ ఉన్నాడంటే ఛస్తే ఒప్పుకోనంటాడు! పాతొకరోతని చెబుతుంటాడు పాత వస్తువులనే ప్రేమిస్తాడు అది పురాణమైనా ,పికిల్ అయినా! ఆరోగ్యమే సంపదని ప్రవచిస్తాడు సంపదనే ప్రేమిస్తాడు ఆరోగ్యం పోయి సంపదే మిగిలింది! పదిమందికి వసుధైక కుటుంబం గురించి బోధిస్తాడు మనసంతా తను, తన కుటుంబమే! భిన్నత్వంలో ఏకత్వం మన బాటంటాడు ఆచరణలో భంగపరుస్తుంటాడు! ఎవరయ్యా అతను ? బెంగపడకండి అతను మన అంతర్గత మిత్రుడే అయుంటాడు తరచి చూస్తే! - సి.యస్.రాంబాబు
Read More

తిరుమల గీతావళి

తిరుమల గీతావళి పల్లవి నిను తలచని నేను లేనే లేను నీ పిలుపుకు మేను పులకించేను చరణం నీ పలుకు మాకు అండ దండ నిను చూస్తే చాలు నీరసమే లేదు నీ స్మరణే చాలు భయమే లేదు కలియుగము లోనా కాపాడేవాడా చరణం తిరుమల గిరులు మాకేమో ఊపిరి ఆనందనిలయుడు ఆదుకునే దేవుడు నీ చల్లని నవ్వే మాకేమో కానుక నీ నీడన ఉంటే మాకేమి కాదుగా - సి.యస్.రాంబాబు
Read More