Month: August 2022

రూపం

రూపం ఆదిదేవుడి ఆట ఈ బ్రహ్మాండ రూపం ఈ సృష్టిలో కనబడనిది ఆత్మ రూపం తెలియని ప్రపంచమే ఈ ఊహల రూపం అమ్మ మాత్రమే ప్రేమకు ప్రతి రూపం మమకారపు ఆశలే తన బిడ్డల రూపం ఆరాదనకి సూత్రం అందమైన రూపం మహనీయుల మార్గం ఆదర్శానికి రూపం ఏనాడు వీడనిది మది మెచ్చిన రూపం కవికలం నుండిజాలువారేది అక్షర రూపం కళ్ళు చెదిరే అద్భుతాలు అపురూపం చూసే చూపులో ఉంది మారిన రూపం ప్రియమైన వారితో ఉండేది ప్రేమకి రూపం అన్నింటి కన్నా మించినది రూపాయి రూపం అద్దంలో కనిపించేదే అసలైన రూపం కదా .....? - జి జయ
Read More

నా ప్రేమ

నా ప్రేమ మెలికలు తిరిగే పొగమంచు ని చలి కాలమందు. అమాయకంగా తల ఆడించే పుష్పాన్ని వసంతమందు. మైమరచి నృత్యం చేసే గాలిని వేసవినందు. అనుమతించవే నన్ను కుంచనై స్పృసించేదను నీ మృదువైన హస్థాలను. మెలికలు తిరుగుతూ, ఆడుతూ, నృత్యం చేస్తూ గీసెదనే నా ప్రేమ హృదయాన్ని. ఆది నీకు, నా బహుమానమే. నా ప్రేమ సందేశమే......! - వాసు
Read More

ఆనందాల హరివిల్లు

ఆనందాల హరివిల్లు గృహమే కదా స్వర్గసీమ! అదే ఆనందాల హరివిల్లు పూల పొదరిల్లు ఆత్మీయ బంధాలు, అంతులేని జ్ఞాపకాలు, అందరి సహకారం, అమ్మ వొడిలో మమకారం, నాన్న బాధ్యతల బరువులు కుటుంబం తోడుగా నీడగా ఎన్నెన్నో మధుర స్మృతులు ఇంటిలోని ప్రతి చోటు ప్రతి మూల, ముంగిలి స్పర్శ తో పెనవేసిన ముడి భారమైన రోజులైనా అందాల అలికిడితో నైనా మురిసిముగ్దులమవుతాయి ఇంటికి చేరగానే! అలసటను తీర్చి ఆదమరచి నిశ్చింతగా నిదురించే చోటు మన ఇల్లు హరివిల్లు మాత్రమే కుటుంబంతో కూర్చున్నా పండుగల శోభలు కూర్చినా పెళ్లి పేరంటాల శుభాలతో కళ కళలాడేది మన ఇల్లే పచ్చని మొక్కలతో చక్కని ఆరోగ్యంతో అన్ని వేళలా అంతులేని అనుభూతుల తో నిండి ఉండేది మన ఇల్లే పలకరించే పరిసరాలు మక్కువ పెంచుకున్నఆస్తిగా దక్కిన గౌరవాలు దాచుకున్న అనుభవాలు అలరించిన హరివిల్లే ఇల్లు నాలుగు రోజులు ఇల్లు వదిలి వుంటే విలువ ఎంతో తెలుస్తుంది…
Read More

ప్రసవ వేదన

ప్రసవ వేదన అనంతసృష్టిలో ప్రతిసృష్టి లో భాగమే ప్రసవవేదన కాదా ఆ బాధ వర్ణనాతీతం! అండపిండ బ్రహ్మాండoలో రూపు నిచ్చి జీవాన్నివ్వడాకి తల్లి పడే ప్రసవ వేదన త్యాగానికి సాక్ష్యం! మోయలేని భారాన్ని కడుపులో బరువుగా గుండెలో నిండుగా పండంట్టి బిడ్డ కోసం! మమతలు మలచి అనుబంధానికి ఆదియై నవ మాసాలు మోసి నరక యాతనను సైతం ఎదురుచూసినకలలరూపం కళ్ళ ముందు కనబడేవరకు ప్రసవ వేదనే ! వేదనను కూడా ఎంతో సహనంతో భరించేది పులకరించి, తొలకరించే క్షణాల కోసం తపించే ఒకే ఒక్కప్రాణంమాతృహృదయం మాత్రమే! - జి జయ
Read More

కవి చిరునవ్వు

కవి చిరునవ్వు కీబోర్డు మీద నర్తించాలని వేళ్ళు ఉబలాట పడుతు భావాల తోడును వెతుకుతుంటాయి భావాలన్నీ ముడుచుకొని అలిగినట్టున్నాయి ఆలోచనలేమో పోస్టింగ్ కోసం ఎదురుచూసే అధికారిలా దీనంగా ఉన్నాయి కవితయినా వచనమయినా వేదన తప్పదు మస్తిష్కాన్ని వేధిస్తాం కానీ హృదయం స్పందించాలిగా ఎటుచూసినా వ్యధలు వధ్యశిలపై అమాయకులు అధోగతిలో అధోజగత్ సోదరులు గడ్డకట్టిన హృదయ స్పందన అందుకే హృదయాన్ని బతిమాలు కుంటున్నాను ఎగసిపడే నీ కవాటాలు నాకు అక్షర కపోతాలంటూ దయతలచి లబ్ డబ్ లను డీ కోడ్ చేసుకోమంటుంది డీకోడ్ అయిన భావాలన్నీ ఆలోచన మత్తడి దాటి అక్షరాల్లో ప్రవేశించగా కీబోర్డు కదులుతుంది కవి తనతో తాను చేసే యుద్ధమే అతని కవితా ప్రసవవేదన మనీని వదిలి మనిషిగా మిగిలినవాడే ఆ వేదనకు చిరునవ్వుతో చేరువవుతాడు - సి.యస్.రాంబాబు
Read More

ఏడడుగుల బంధం

ఏడడుగుల బంధం ఎన్ని జన్మల బంధమో ఈ ఏడడుగులబంధంఅంటారు పెద్దలు! ఆ బంధానికి కావాలి ఇద్దరి మనసుల కలయిక ఏడడుగుల అందం జీవితాంతం కలిసి మెలిసి నడవటానికి విప్పలేనిముడి ఏడడుగుల ముహూర్తం ఒకరికి ఒకరు రక్షణ కవచంలా రాణించేది ఏడడుగుల గొప్పతనం కష్టం సుఖం ఏదైనా కలిసే నడవాలని చెప్పేది ఏడడుగుల సంద్రం భరించే భాద్యతలు భావాల రూపం కోసం కట్టుకున్న కలల గోడ ఏడడుగుల కోటగోడ నమ్మకాల తెరలు అల్లుకునే ఆశలు ఏడడుగుల వలయం ఆలుమొగలఅనుబంధానికి సమాజపు కట్టుబాట్ల కల్పన ఏడడుగుల పీటముడి దాంపత్య జీవితం అన్యోన్యంగాఆదర్శవంతంగా మారాలని అంతతరార్థం ఏడడుగుల ప్రతిజ్ఞ అగ్నిసాక్షిగా ఆహ్వానితుల ఆశీర్వాదాలతో సాంప్రదాయాల సందడితో రెండు జీవితాల నిండైన వివాహ జీవితానికి నాంది అదేఏడడుగులఆంతర్యం! - జి జయ
Read More

మృత్యు ఒడి

మృత్యు ఒడి తన ఒడిలో రాబోయే బిడ్డ ప్రాణం కోసం మృత్యువు ఒడిలోకి పోవటానికి సిద్ధమౌతుంది ఆమె. తన ప్రాణం కన్నా తనకు పుట్టబోయే బిడ్డ ప్రాణమే ముఖ్యమని మృత్యుదేవతని ఆహ్వానిస్తుంది. ఒక ప్రక్క తన ఒడి మరొక ప్రక్క మృతువు ఒడి ఈ రెండిటిని సమాతూకం వెయ్యడంలో సతమతమౌతూ, ఆ సమయంలో అత్యంత ఆవేదనకు గురౌతుంది ఆమె. తన బిడ్డచే తను అమ్మా అని పిలిపించు కోవటం కోసం తాను తన అమ్మని అమ్మా!అమ్మా! అని ఆవేదనతో పిలుస్తుంది. - రమణ బొమ్మకంటి 
Read More

సందేహాల మబ్బు

సందేహాల మబ్బు తమ తేజస్సు పంచుతామంటున్నాయి మేఘాలు మనిషి మేకవన్నె పులని తెలీక! తేనీరులా వనరులను సేవించే వాడికి ఆకాశమొక్కటే మిగిలింది మొక్కుతూనే మోసాల దారులు వెతుకుతుంటాడు! వేటువేసే కాలం ఉపేక్షిస్తుందా ఆపేక్షగా ఆదరిస్తుందా సందేహాల మబ్బులు తరుముతుంటే కిసుక్కుమంటూ సమాధానాన్ని తలలో తురుముకుంది ఎదురుగా ఉన్న చెట్టు! - సి. యస్. రాంబాబు
Read More

వైకల్యత

వైకల్యత నా, వైకల్యము స్వీయము. నాది, అలసట ఎరుగని ప్రయాణము. నింగి, నేల హద్దులై, ఆమె కొరకై నే చేసే ఈ ప్రయాణంలో, అందమైనవి నన్ను ఆకర్షించవు. ఆమెలో నే చూడాల్సినది వాస్తవికత. నా వైకల్యము స్వీయము. నేను అబద్ధానికి, గుడ్డి, మూగ, చెవిటిని. నీ నవ్వు, నీలోని నువ్వు ఒకటే అయితే అదే అద్భుతమైన అందమే సఖి........! నాది కాదే దీనికి వైకల్యత.........! - వాసు
Read More

నేనే నువ్వైతే

నేనే నువ్వైతే నేనే నువ్వైతే అంతరంగపు ఆకాంక్షచెబుతుంది నాదంలా? మనసు పలికే మధుర భావన నేనైనా నువ్వైనా మనుషుల మధ్యఅనుభూతుల చిత్రమైనా మెదిలే ఆలోచనైనా కదిలే సమయమైనా నేనే నువ్వుగా ముందైనా వెనుకైనా -------- నడకైనా దారైనా -------- ప్రేమైనా భాదైన ------- మాటైనా చాటైనా -------- ఇష్టమైనా కష్టమైనా -------- బంధమైనా భాగ్యమైనా -------- సమస్య అయినా సంఘర్షణ అయినా ------- ఊపిరి అయినా ఉప్పెనైనా ------- ప్రశ్నైనా జవాబు అయినా ------- ఒంటరైనా జంటగానైనా -------- ఆరాదనైనా అనుభవమైనా ------- హద్దులైనా సరిహద్దులైనా ------- వెలుగైనా నీడైనా ------- పగలైనా రేయైనా ------- ఓడినా గెలిచినా --------- నేనేమంత్రినైనా నువ్వేరాజువైనా ప్రేమ ప్రయాణంలో కుడి ఎడమైనా పొరపాటు లేదు నువ్వైతేనేమి నేనైతేనేమి అందులోనేఅసలైన అర్ధముంది చూడు .......? - జి జయ
Read More