మర్చిపోవద్దు
మర్చిపోవద్దు ఎండుటాకుల చప్పుళ్ళు ఒకప్పుడు పచ్చగా బ్రతికిన ఆనవాళ్లు మర్చి పోవద్దు వారి కష్టంతో నువ్వింత వాడవైనావని.... - SR
ఆత్మా రాముడు
ఆత్మా రాముడు ఆహా ఏమి నా అదృష్టము ఇన్నేళ్ల తర్వాత పెళ్ళి భోజనం చెయ్యడానికి వెళ్తున్నా అంటే అది అదృష్టం కాదా మరి. ఇదేం విడ్డూరం పెళ్లికి వెళ్ళడం కూడా గొప్పెనా అంటారా గొప్పే మరి.... ఎందుకంటారా రెండేళ్లుగా ఇంట్లో పంజరంలో చిలుకలా బంధించి ఉంచిన నన్ను ఈ కరోనా పుణ్యమా అంటూ ఏవి తినివ్వకుండ తగానివ్వకుండ కషాయాల పేరిట ఏవేవో తాగించి నాలుకకి ఏ రుచి లేకుండా చేశారు. నాలుక మరీ మొద్దు బారిపాయింది. ఈ లాక్ డౌన్ తిసేశక ఇదోగో ఇదే నేను మొట్ట మొదటి సారిగా బయట అడుగు పెట్టబోతున్నాను. ఇదంతా వెళ్ళేది పెళ్లి వారి మీదున్న అభిమానంతో కాదని వాళ్ళు పెట్టే భోజనం గురించి అని ఎవరికీ తెలియదు నాకు తప్ప. క్యాబ్ మాట్లాడుకుని అందరం కలిసి వెళ్ళాం. ఫంక్షన్ హాల్ బయటకు వంటల ఘుమఘుమలు గాల్లో తేలుతూ వస్తున్నాయి. వాసన తోనే కడుపు నిండేలా…
నాలో నేను
నాలో నేను 1) వృద్ధ గురువులంత ఒకచోట చేరగా పాత జ్ఞాపకాలు పరిమళించె అయ్యవారలంత ఆయురారోగ్యాల సాగవలయు శాంతి సౌఖ్యములతొ 2) ఉగ్రవాదమింత ఉగ్రరూపము దాల్చి బడుగు వర్గములను బలిని గోరె బడుగుజీవులనిల బాంబు పేలుళ్లతో ప్రాణములనుదీయ పాడియగునె 3) పండుగ దినమందు పస్తులుండాలేక కూలిడబ్బుతోటి కొట్టుకెళ్ళి ఉప్పు.పప్పునుకొని ఉల్లిపాయడిగితే ఆకసమునకేగి హాస్య మాడె 4) చెప్పు మాట యొకటి చేసేది వేరగు నాయకులను నమ్మి నాశ మవకు గొర్రెమంద రీతి గోతిలపడబోకు ఎసరు వచ్చినంక ఏడ్చుటేల? - కోట
శాఖ మేత!!
శాఖ మేత!! చెట్లు పెట్టిన గుడ్లను తెచ్చి నాలుగు చీలికలు చేసి మసాళాలు దట్టించి చింతపండు పులుసు గుప్పించి ఉడికించి వండిన గుత్తి వంకాయ కూరకు సాటి ఏది! ఆకుపచ్చని సంద్రాన ఈదుతున్న సొర(కాయలను) చేపలను పట్టి కోసి శనగపప్పు తో కలిపి వండి చేసిన దాల్చా ని తిన్న నీవు దాల్చుదవు విశ్వరూపము! పసరిక పాములను(పొట్లకాయలు)పట్టి పెరుగు పచ్చడి చేసిన బుస, బుస లాడును కదా నీ ఆకలి..............! మాంసపు ముద్దలను (టమాటా) తెచ్చి చారు చేసిన మాయమవ్వును కదరా నీ మట, మటలు...............! బర్రె పాలను పితికి తోడు బెట్టి గడ్డ పెరుగును ఆరగించిన గడ్డ కెక్కును కదరా నీ క్షుద్భాధ. రక్తము చిందని ఈ కోత, శాఖ మేత! - వాసు
పంచాంగము 28.03.2022
పంచాంగము 28.03.2022 *_శ్రీ ప్లవ నామ సంవత్సరం_* *ఉత్తరాయణం - శిశిరఋతువు* *ఫాల్గుణ మాసం - బహళ పక్షం* తిధి : *ఏకాదశి* సా4.32 వరకు వారం : *సోమవారం* (ఇందువాసరే) నక్షత్రం: *శ్రవణం* మ12.49 వరకు యోగం: *సిద్ధం* సా6.09 వరకు కరణం: *బాలువ* సా4.32 వరకు తదుపరి *కౌలువ* తె3.40 వరకు వర్జ్యం: *సా4.38 - 6.10* దుర్ముహూర్తం : *మ12.28 - 1.17* & *మ2.54 - 3.42* అమృతకాలం: *రా1.48 - 3.19* రాహుకాలం : *ఉ7.30 - 9.00* యమగండ/కేతుకాలం: *ఉ10.30 - గస12.00* సూర్యరాశి: *మీనం* చంద్రరాశి: *మకరం* సూర్యోదయం: *6.03* సూర్యాస్తమయం: *6.07* 👉 *సర్వ ఏకాదశి* సర్వేజనా సుఖినో భవంతు - శుభమస్తు
ఎదురు చూపులు
ఎదురు చూపులు 1)ఉన్నత చదువులకు ఉద్యోగమొచ్చునని బాధలు పడి చదివి భంగపడిరి ఏడువత్సరాలు ఎదురు చూపులెగాని కోర్కె తీరదాయె కొలువు రాక 2) చూపు కన్న ఎదురు చూపులు కష్టమౌ బంధు జనమును కన భారమగును ఎదురు చూపులంటె ఎంత చిత్రమొగద ఆశ భంగమగును అప్పు డపుడు 3)ఎండకాలమాయె ఏ సీ లు లేవాయె ఉక్కపోత పెరిగి చొక్క తడిసె చల్లగాలి లేక వల్లగాదని యెంచి విసన కర్ర చేత విసురుటాయె - కోట
చామంతి వనము!!
చామంతి వనము!! దూర తీరాలకు దరిచేర అలవకు. చేయి దూరంలో ఉన్నదే నీ గమ్యమని యెంచు ...! ముళ్ళ పొదల్లో జొచ్చి మూర్ఖుడవై మూల్గకు చెంతన ఉన్న మార్గము చేమంతి వనము......! సుఖాలకు మరిగిన నీకు దుఃఖమే మిగులు. దుఃఖాలను నెఱింగిన, అవి నిన్ను వ్యక్తిగా నిలుపును.....! చుట్టాల చట్రంలో చిక్కకు యోధుడిగా చట్రాన్ని తిప్పు. నీవు మహాసముద్రాన్ని అనుకుంటే మరుగున పడెదవు. మరుగున ఉన్న చలమ కి చాలును వేళ్ళ గునపాలు. నడువు నీకు భూమి ఆధారము గాలిలో నడిచిన పడెదవు చివరకు అక్కడే నువ్వు......! అడవిలోన ఫల వృక్షానివై వెలుగు. గాలి వనాలలో పూల మొక్క వై గుబాళించు..............! నీలోని నువ్వు ఎవరో కాదు.........! నమ్ము దాన్ని అది నీ అంతరాత్మ....! వమ్ము చేసిన దాన్ని, జొచ్చి మూల్గుదవు ముళ్లపొదల్లో న....! - వాసు
నాలో నేను- నాతో నేను
నాలో నేను- నాతో నేను ప్రస్తుతం స్వార్థంతో నిండిన సమాజంలో బ్రతుకుతున్నాం... ప్రస్తుత సమాజంలో నెగ్గుకురావాలంటే ఖచ్చితంగా నీకు కొద్దోగొప్ప స్వార్థం ఉండాలే... అప్పుడు మాత్రమే ఈ సమాజంలో నిలబడగలవు లేదంటే నిన్నే పునాదిగా చేసుకొని బ్రతుకుతుంది సమాజం... నీది కానిది అది ఏదైనా దానిపై ఆశలు పెంచుకోకు నీది కానిది దానిపై ఆశలు పెంచుకుంటే చివరికి నిరాశే మిగులుతుంది... నీ ప్రయాణమే నీ గమ్యాన్ని మార్చే నావ... ఆ నావను ఆపకు... కొనసాగించు... నీ నావ నీ గమ్యాన్ని ఖచ్చితంగా చేరుస్తుంది... నాలో నేను- నాతో నేను - గోగుల నారాయణ
గువ్వల జంట
గువ్వల జంట నాలో నీవు నీలో నేను లీనం కావాలంటే కలలు కలలు కన్నాము మన ఇద్దరమూ ఒకటి అవ్వాలని.. అది ఏ నాటి కోరికో ఈనాటికీ తీరబోతున్నదని... నేననుకున్నా.. కానీ నేననుకున్నది నా రాణి ఆ వాణి వినిపిస్తుందా.. కనిపిస్తూ చేతి వేళ్ళ మధ్య పువ్వును చూపిస్తూ... ఆ కనుల నన్ను చూస్తూ ప్రేమతో ఇస్తుందా.. నా గుండెల నిండా అనురాగం నీవే నా రాణిగా కొలువై ఉన్నావు.. తోడుగా కలకాలం కలిసి పోతామా ఇలలో మనమిద్దరం... ఈ నేలను మురిపిద్దామ వలపుల పంటగా... నీ కంట కన్నీరు నాకు గిట్టదు.. ఓట్టుగా నీకు చెబుతున్నా... ఆ కంట కన్నీరు కారనివ్వను.. ఒంటరి నీవు కాదు నీ తోడుగా నేనున్నాను... నాలో నీవు నీలో నేను ఒకటైనాక... మన ఇద్దరికీ తిరిగే మున్నది... గువ్వల జంటగా గగన మండలం విహరిద్దామా... ముద్దుల జంటగా.. - పలుకూరి
నాలో నేను
నాలో నేను నాలో నేను తెలుసు కున్నది రవ్వంత తెలుసు కోలేనిది కొండంత ప్రతిరోజూ అంతరంగాన్ని ప్రశ్నించుకో నీవంటేనీకు తెలుస్తుంది మరి ఎద లోపలి గది తలుపులు తీసి చూస్తే మనసు మౌన గీతమై పాడుతుంది కనుల కాంతుల కు తెలుసు నిజమేదో అని ఊగిసల ఊహలు ఆపుకో నిన్ను నీవుగా తీర్చి దిద్దుకో కాలం రంగుల రాట్నం అని తెలుసుకో మాటనుమంత్రంగా మార్చకో అవకాశాల హర్మ్యాలు కట్టుకో సమస్యల సంఘర్షణ చూసుకో ఆశించని ఆరాధన నేర్చుకో ఆశల హద్దులు రాసుకో అనుభవాల సాంగత్యం పట్టుకో నీతిని నీ అండన ఉంచుకో పరిమళాల విరజాజులు చుట్టుకో అందని ఆవేదన తగ్గించుకో అందినన్ని అద్భుతాలు సృష్టించుకో ఒంటరి భాటసారి గా ప్రేమ ప్రయాణం తేలిక అనునిత్యం ఆత్మానందం పొందుతూ నాలో నేనుగా రా రాజుగా బ్రతకడం వుందిగా మరి ... - జి జయ