జ్వాల
జ్వాల ప్రస్తుతం ప్రపంచాన్ని కరోనా వైరస్ వణికిస్తోంది. ఈ కంటికి కనబడని వైరస్ కొన్ని వేల ప్రాణాలను కనుమరుగయ్యే లాగా చేసింది. ముఖానికి ముసుగు, చేతికి కడుగు, బంధాలకు తెంపు లాంటి నీతి సూత్రాలను వెలుగులోకి తెచ్చింది. అసలు కంటికి కనబడని ఈ వైరస్ కి మానవ లోకం కుంచె తో ఎంతో అందమైన రంగులు పూసింది. ధర్మ సంరక్షణార్థం వచ్చింది ఈ వైరస్ అని కొందరు మానవ విలువల్ని పెంచింది అని మరికొందరు బంధాలను దగ్గర చేర్చింది అని ఇలా ఈ క్రిమిని, క్రీమ్ గా మార్చేశారు. ఈ సాంఘిక దూరం అనే అద్భుతమైన సంప్రదాయం ఈ క్రీం వల్ల వచ్చినది ఏమీ కాదు. అనాదిగా తాతల కాలం నుండి ఇది శిక్షించ బడని నేరం గా మన్ననలు సంఘంలో అందుకుంటోంది. వృద్ధులైన తల్లిదండ్రులను వారసులు దూరం నెట్టేస్తున్నారు. పక్కింటి పొరిగింటి ఓడు మనకి కొన్ని వేల మైళ్ల దూరం.…